កំពង់ធំ ៖ ពលរដ្ននៅស្រុកស្ទោងក្នុងពេលថ្មីនេះបានប្រតិកម្មម្ដងហើយម្ដងទៀតនិងលោក ហេង ប៊ុនហ៊ឺ មេឃុំចំណាក្រោម ដែលកន្លងបានជីកយកអាចម៍ដីលក់នៅនឹងគល់ស្ពានផុក ហើយចាក់ដីលុបជើងតេស្ពាន ចន្លុកដែលជាដីសារធារណះរបស់រដ្ឋ ! រីឯរឿងថ្មីទៀតគឺលោកមេឃុំ ក្រុមប្រឹក្សាឃុំ និងលោកមេភូមិ ជីអាប់ បានឯកភាពគ្នាលក់ឬដោះដូរដីប្រឡាយទឹក ឬមួយគេហៅថាភ្លឺភ្លោះតាំងពីដើមមកដែលប្រជាពលរដ្ឋធ្លាប់តែធ្វើដំណើរឆ្លងកាតលូសម្រាប់បង្ហូរ តែឥឡូវគេលក់ហើយធ្វើរបងបិតជិត ដោយមានឡេះថាដោះដូរដី ឬយកអាចម៍ដីធ្វើថ្នល់ តែតាមពិតពលរដ្នថា ឃុបឃិតគ្នាលក់ដីប្រឡាយយកលុយសោះ ។
ពលរដ្ឋនៅផ្ទះជាប់នឹងប្រឡាយទឹកនោះ ហួសចិត្តយ៉ាងខ្លាំងមិនហ៊ានបញ្ចេញវាចា ព្រោះមើលទៅគេមានលុយ មានអំណាចធ្វើអ្វីស្រេចតែក្បាលចិត្តមិនខ្វល់ពីអារម្មណ៍ពលរដ្នទេ! ដូច្នេះទុកឱ្យថ្នាក់ដឹកនាំស្រុកនិងថ្នាក់ដឹកនាំខេត្ត លោកមកត្រួតពិនិត្យចុះតើករណីលក់ប្រឡាយទឹកឲ្យទៅឈ្មោះ ចិ ជឿន នៅភូមិ ជីអាប នេះខុសឬក៏ត្រូវ សាកសមជាអ្នកជាអ្នកដឹកនាំដែលរកប្រយោជន៍អោយសាធារណះឬប្រយោជន៍ផ្ទាល់ខ្លួន? ។
អ្នកសារព័ត៌មានយើង នៅព្រឹកថ្ងៃទី ២៥ ខែឧសភា ឆ្នាំ២០២១ វេលាម៉ោង ៩និង៣១ នាទី បានធ្វើបទសម្ភាសន៍តាមទូរស័ព្ទទៅលោក ចិ ជឿន ជាអ្នកទទួលទិញដីប្រឡាយទឹកនោះហើយគាត់បានបញ្ជាក់ថាដីប្រឡាយទឹកនេះគាត់បានដោះដូរជាមួយនឹងអាចម៍ដីនៅពេលនោះអាចម៍ដីលក់ឲ្យគេមិនគ្រប់ក៏ថែមលុយឲ្យទៅលោកមេភូមិនិងលោកមេឃុំព្រមទាំងក្រុមប្រឹក្សាឃុំចំនួន ១លានហាសិបម៉ឺនរៀល បន្ថែមទៀត។
លោក យឹនយឿង មេភូមិ ជីអាប់ វិញបានឆ្លើយប្រាប់អ្នកសារព័ត៌មានយើងតាមទូរស័ព្ទថាករណីដែលលក់ប្រឡាយទឹកគឺមានការដោះដូរជាមួយអាចម៍ដីដើម្បីយកមកចាក់ផ្លូវនៅពេលដែលអាចម៍ដីមិនគ្រប់ក៏បានឲ្យលោកចិ ជឿន ជាអ្នកទិញប្រឡាយទឹក ថែមលុយឱ្យមេភូមិ និងមេឃុំ ចំនួន ១លាន ហាសិបម៉ឺនរៀល ពីលើទៀត។
លោក ហេង ប៊ុនហ៊ឺ មេឃុំចំណាក្រោម បានផ្ដល់បទសម្ភាសតាមទូស័ព្ទថា មេភូមិ និងក្រុមប្រឹក្សាឃុំកំពុងដោះស្រាយជាមួយពលរដ្នដោយសារពលរដ្នមិនព្រមអោយដោះដូរទេ។ទោះបីមានការឆ្លើយដោះដៃយ៉ាងនេះក្ដីបងប្អូនពលរដ្ឋដែលរស់នៅក្នុងឃុំចំណាក្រោមពិតជាដឹងពីទង្វើរបស់លោកមេឃុំនិងអាជ្ញាធរមួយចំនួនតូចដែលកំពុងតែឃុបឃិតគ្នាជាប្រព័ន្ធទៅហើយ ពាក់ព័ន្ធនឹងអំពើពុករលួយ ។។ចំពោះលោកមេឃុំរូបនេះចេញមកមានរឿងប្លែកៗ នៅពេលដែលអ្នកសារព័ត៌មានចុះផ្សាយ បែរជាឡើងទៅប្ដឹងអ្នកសារព័ត៌មានទៅវិញអត់គិតពីទង្វើខ្លួនឯងដឹកនាំសព្វថ្ងៃនេះតាមរបៀបណាខ្លះ?តាមបទបញ្ជាផ្ទៃក្នុងឬមួយតាមបទបញ្ជារបស់សម្ដេចក្រឡា ហោម សខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃដែរឬអត់ ។
ប្រជាពលរដ្ឋរស់នៅក្នុងឃុំ ចំណាក្រោម សំណូមពរទៅលោក សុខ លូ អភិបាលខេត្តកំពង់ធំមេត្តាដាក់ការស៊ើបអង្កេតជាបន្ទាន់ចំពោះលោកមេឃុំចំណាក្រោមដែលដឹកនាំផ្ទុយនឹងបទបញ្ជាអនុសាសន៍របស់សម្ដេចក្រឡាហោមផងទាន។
