កំពង់ធំ ៖ អាគារការិយាល័យផលិតកម្មនិងបសុព្យាបាលខេត្តកំពង់ធំ មានសភាពចាស់ទ្រុឌទ្រោមរងការខូចខាត ប្រេះស្រាំជាច្រើនកន្លែងអាចបង្កហានីភ័យគ្រោះថ្នាក់ជា យថាហេតុក្នុងពេលបច្ចុប្បន្ន ត្រូវបានជួលជុលឡើងវិញ ក្រោយពី លោក តាន់ ម៉េងឆាង ចូលកាន់ដំណែងជា ប្រធានការិយាល័យផលិតកម្មនិងបសុព្យាបាល! ការជួសជុលឡើងវិញនេះ ក្រោមការណែនាំ និងយកចិត្តទុកដាក់ពីថ្នាក់ដឹកនាំខេត្ត ក្រុមប្រឹក្សាខេត្ត និងមន្ទីរកសិកម្មខេត្តកំពង់ធំ អោយមានការរៀបចំជួសជុល កែលំអរឡើងវិញនូវអាគាធ្វើការអោយមានសភាពសមរម្យសាកសមជាការិយាល័យមន្ដ្រីរាជការធ្វើការ និងជាកន្លែងផ្ដល់សេវ៉ាសាធារណះជូនប្រជាពលរដ្ន អោយបានសមរម្យ។
លោក តាន់ ម៉េងឆាង បានអោយដឹងថា ក្រោយពីលោកចូលកាន់តំណែងជាប្រធានការិយាល័យផលិតកម្មនិងបសុព្យាបាលខេត្តកំពង់ធំ នៅថ្ងៃទី២៧ ខែកុម្ភះ ឆ្នាំ២០២០ តាមពិធីប្រកាសរបស់ ឯកឧត្តម សុខ លូ អភិបាលនៃគណះអភិបាលខេត្តកំពង់ធំ និងឯកឧត្តម ឈុន ឈន់ ប្រធានក្រុមប្រឹក្សាខេត្តកំពងធំ រយះពេលជិត៣ខែហើយ មកទល់បច្ចុប្បន្ន លោកសង្កេតឃើញថា អាគារការិយាល័យផលិតកម្មនិងបសុព្យាបាលខេត្តកំពង់ធំ ខ្វះខាតសព្វគ្រប់ ទាំងសម្ភារះធ្វើការ អាគារមានសភាពចាស់ទ្រុឌទ្រោម ងាយនិងបាក់ស្រុត ប្រេះស្រាំគ្រប់កន្លែង ពេលភ្លៀងម្ដងៗទឹកលិចស្ទើរគ្រប់កន្លែង ជាក់ស្ដែងអាគាការិយាល័យនេះគ្មានកន្លែងអង្គុយធ្វើការនោះទេ គឺផ្លាស់ប្ដូរកន្លែងគ្នាអង្គុយរហូត ចឹងហើយទើបលោកបានគៀងគររកសប្បុរសជននានា ដោយមានការឧបត្ថមពីតាមបណ្ដាមន្ទីរ ពីសាលាខេត្តនិងស្ថាប័ន្ដផ្សេងៗ មកដល់ពេលនេះខាងមន្ទីរបរិស្ថានបានអោយលុយទិញម៉ាស៊ីនត្រជាក់បាន២គ្រឿង រួមនិងកង្ហាល ចំណែកខាងមន្ទីរកសិកម្ម ផ្ដល់កុំព្យួរទ័រថ្មី១គ្រឿង និងម៉ាស៊ីព្រិន១គ្រឿង ខាងក្រុមហ៊ុន ស៊ីភី បានផ្ដល់ម៉ាស៊ីនសំរាប់បាញថ្នាំសំលាប់មេរោគឆ្លងតាមបណ្ដាសត្តឃាតដ្ឋាន១គ្រឿង ហើយអគ្គនាយកដ្ឋានផលិកម្មពហុព្យាបាលសត្វ ក៏បានផ្ដល់កុំព្យួរទ័រថ្មី១គ្រឿង និងម៉ាស៊ីព្រិន១គ្រឿងផងដែរ ៕
ប៊ុនរិទ្ធី
