កំពង់ធំ៖ ប្រតិបត្តិការចុះបង្ក្រាបបទល្មើសដឹកជញ្ជូន និងច្រៀកឈើខុសច្បាប់មួយកន្លែងស្ថិតនៅ តំបន់ភូមិកំពង់ស្តេច ឃុំក្រវ៉ា ស្រុកបារាយណ៍ ខេត្តកំពង់ធំ ដែលដឹកនាំដោយលោកវរៈសេនីយ៍ទោ ឃុន ប៊ុនហូរ មេបញ្ជាការងកងរាជអាវុធហត្ថខេត្តកំពង់ធំ លើទីតាំងប្រាំមួយកន្លែង និងដកហូត ឈើមូល និងឈើច្រៀកជាច្រើនម៉ែតគូប។
ក្នុងប្រិបត្តិការចុះបង្ក្រាបទីតាំងច្រៀកឈើនៅចំណុចភូមិកំពង់ស្តេច, លោកវរសេនីយ៍ទោ ឃុន ប៊ុនហូរ លើកឡើងថា សកម្មភាពចុះបង្ក្រាបទីតាំងខាងលើនេះ អូសបន្លាយរយៈពេលពីរថ្ងៃ គឺចាប់ពីថ្ងៃទី២១ ដល់ថ្ងៃទី២២ ខែមេសា ឆ្នាំ២០២០ ដោយមានការសហការជាមួយផ្នែករដ្ឋបាល ព្រៃឈើកំពង់ថ្មផងដែរ។ ចំពោះការអូសបន្លាយការដឹកជញ្ជូនឈើរហូតដល់ទៅពីរថ្ងៃ ព្រោះទីតាំង ជ្រៀកឈើមានរហូតដល់6កន្លែងស្ថិតនៅឆ្ងាយពីគ្នា ហើយស្ថានភាពផ្លូវពិបាកចូលដឹក ម្យ៉ាងទៀតការលាក់ទុកឈើមូលស្ថិតក្នុងបឹង និងស្ទឹងជីនិតត្រូវការកម្លាំងចុះរាវអូសតាមរយៈកាណូតមកកាន់លើគោកទើបស្ទួចឡើង។ លោកបន្តថា ប្រតិបត្តិការណ៍នេះធ្វើឡើងក្រោយពីមានការរាយការណ៍ពីប្រជាពលរដ្ឋក្នុងមូលដ្ឋានថា “សកម្មភាពដឹកនិងច្រៀកឈើអាណាធិបតេយ្យក្នុងភូមិ និងតាមព្រៃ ក្បែរភូមិយ៉ាងអាណាធិបតេយ្យបំផ្លាញព្រៃឈើ ដែលមានប្រភពមកពីព្រៃអង្គតែន” ក្រោមដែនគ្រប់គ្រងរបស់ក្រសួងបរិស្ថាន ដែលមានមន្ទីរបរិស្ថានខេត្តកំពង់ធំជាសេនាធិការ”។ លោកវរសេនីយ៍ទោ បញ្ជាក់បន្ថែមថា សកម្មភាពច្រៀកឈើខុសច្បាប់នៅក្នុងភូមិសាស្ត្រនេះត្រូវ បានជនសង្ស័យដាក់បណ្តាញនៅតាមផ្លូវជាច្រើនកន្លែង ដែលធ្វើឲ្យការបង្ក្រាបមិនបានរឹបអូសយក ម៉ាស៊ីនបានទាំងស្រុងនោះទេ ព្រោះមុនមកដល់ជនល្មើសបានដឹងមុន និងដោះម៉ាស៊ីនចេញស្ទើរតែ អស់ទៅហើយ សល់តែគំនរឈើជាច្រើនដុំ និងសន្លឹក មិនអាចវាស់វែងបានពិតប្រាកដនៅឡើយរង់ចាំ ប្រមូលអស់ពីក្នុងបឹង និងស្ទឹងជាមុនសិនទើបធ្វើការវាស់វែង។
ប្រជាពលរដ្ឋដាក់ចម្ងល់ថា ប្រភពឈើដែលដឹកចេញពីព្រៃអង្គតែនត្រូវបានមន្ទីរបរិស្ថាន ខេត្តកំពង់ធំ ដាក់ស្នាក់ការចំនួនបីកន្លែង គឺស្នាក់ការចំណុចអូរដៃជ្រៃ អូតាព្រហ្ម និងចំណុច៤៤ ឃុំក្រយា ស្រុកសន្ទុក ដើម្បីការពារនៃការកាប់បំផ្លាញ និងដឹកជញ្ជូនចេញ ប៉ុន្តែប្រភពឈើអាណាធិប តេយ្យនៅតែបន្តដឹកយ៉ាងគគ្រឹកគ្រេងចេញពីរព្រៃអង្គតែនបានយ៉ាងរំភើយ! មិនមែនមានតែប្រជាពលរដ្ឋស្ថិតនៅក្នុងភូមិកំពង់ស្តេចនោះទេ គឺមានឈ្មួញជាម្ចាស់រណា និងម៉ាស៊ីនមកពី ភូមិតាភោគ និងភូមិមួយចំនួនទៀតមកពីស្រុកសន្ទុកផងដែរ។
សកម្មភាពទាំងអស់នេះបានធ្វើឲ្យមហាជនដាក់ការសង្ស័យថា “ប្រហែលជាឈ្មួញដឹកជញ្ជូនឈើទាំងអស់នោះត្រូវរូវគ្នាជាមួយ សមត្ថកិច្ចនៅលើដងផ្លូវទាំងអស់នេះឬយ៉ាងណា ទើបធ្វើការដឹកជញ្ជូនដោយសេរីបែបនេះ?” ៕
