ខេត្តតាកែវ ៖ ទីតាំងល្បែងស៊ីសងជល់មាន់តាមទូរទស្សន៍អនឡាញ បើកលេងយ៉ាងគគ្រឹកហាក់ដូចជាមិនញញើត នឹងមិនគោរពតាមសរាចរណ៍ណែនាំរបស់រដ្ឋាភិបាលនឹងក្រសួងសុខាភិបាលនោះឡើយ បច្ចុប្បន្នកំពុងបើកល្បែងស៊ីសងភ្នាល់ នៅតាមបណ្ដាភូមិ ឃុំ ស្រុក ក្នុងទឹកដីខេត្តតាកែវ គ្មានសមត្ថកិច្ចណាចុះបង្ក្រាប់ឡើយធ្វើអោយពលរដ្នរឹះគន់ថា សមត្ថកិច្ចក្នុងមូលដ្ឋាន ត្រូវថ្នាំសណ្ដំ មេល្បែងស៊ីសង រហូតភ្លេចពីតួនាទី ជាអ្នកបង្ក្រាប។
តាមប្រភពច្បាស់ការបានអោយដឹងថាទីតាំងល្បែងស៊ីសង ជល់មាន់តាមទូរទស្សន៍អនឡាញ មាន៖ ១.ក្នុងភូមិថ្នល់បំបែក សង្កាត់រកាក្រៅ ក្រុងដូនកែវ ខេត្ដតាកែវ។ ២.ក្នុងភូមិដើមពោធិ៍ ឃុំ រមិញ ស្រុកកោះអណ្ដែត ខេត្ដតាកែវ ។ ៣.ក្នុងភូមិ អង្គក្រូច ឃុំ អង្គក្រូច ស្រុក បុរីជល់សា ខេត្ដតាកែវ ។ ៤.ក្នុងភូមិរូង ឃុំខ្លាប្រជុំ ស្រុកបុរីជល់សា ខេត្ដតាកែវ ។
ទីតាំងល្បែងស៊ីសងទាំងអស់នេះមិនដែលឃើញអាជ្ញាធរមានសមត្ថកិច្ចធ្វើការបង្ក្រាបឬមន្ដ្រីជំនាញណាចុះធ្វើកាបង្ក្រាបឡើយ អាជ្ញាធរដែលជាម្ចាស់ទឹកដីហាក់បីដូចជាខ្លាចអំណាចម្ចាស់ទីតាំងនិងបាន បើកភ្លើងខៀវឲ្យក្រុមអ្នកញៀនល្បែងមកលេងយ៉ាងគគ្រឹកគគ្រេង ដោយគ្មានការញញើត ធ្វើអោយពលរដ្នមានការព្រួយបារម្មណ៍ថា និងកើតចោរកម្មលួច ឆក់ប្លន់ និងមានអំពើហិង្សាក្នុងគ្រួសារជាមិនខាន។
កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានដាក់បទបញ្ជាឲ្យមន្ត្រីនគរបាលពាក់ព័ន្ធថ្នាក់ក្រោម ទូទាំងប្រទេសត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវ សុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាល ដែលដាក់ចេញដោយក្រសួងមហាផ្ទៃ តែផ្ទុយទៅវិញទីតាំងល្បែងស៊ីសងជល់មាន់តាមអនឡាញដែលមាន ទីតាំងខាងលើ បានបើកដំណើរការលេងយ៉ាងរំភើយ ។ទោះបី ប្រជាពលរដ្ឋ សំណូមពរដល់អាជ្ញាធរមានសមត្ថកិច្ច ជាពិសេស លោកឧត្តមសេនីយ៍ទោស្នងការនគរបាលខេត្តតាកែវ មេត្តាចុះត្រួតពិនិត្យនឹងបង្ក្រាបល្បែងស៊ីសងខាងលើដើម្បីរក្សាការពារសន្តិសុខក្នុងមូលដ្ឋានក៏ដោយ៕
