កំពង់ចាម ÷ មានទីតាំងសង្វៀនល្បែងស៊ីសងជល់មាន់ និងបាញ់អាប៉ោងខុសច្បាប់មួយកន្លែង កំពុងបើកលេងយ៉ាងគគ្រឹកគគ្រេងបានដោយរលូន នៅចំណុច ម្ដុំអង់តែន ស្ថិតនៅភូមិសហគ្រាស ឃុំចំការអណ្តូង ស្រុកចំការលើ ខេត្តកំពង់ចាម ពលរដ្ឋដាក់ការសង្ស័យថា ទំនងជា អាជ្ញាធរមានសមត្ថកិច្ចមូលដ្ឋាន មិនធ្វើការបង្ក្រាប!ប្រហែលទុកឲ្យលំអរក្នុងស្រុកពួកគាត់កំឲ្យស្ងាត់ហើយមើលទៅ
ប្រភពព័ត៌មានពីពលរដ្ឋក្នុងមូលដ្ឋាន ក៍ដូចមហាជបានឲ្យដឹងនៅល្ងាចថ្ងៃទី26 ខែកុម្ភៈឆ្នាំ2022-នេះថា÷ នៅចំណុចភូមិសាស្ត្រខាងលើនេះមានទីតាំងល្បែងស៊ីសងខុសច្បាប់ បើកលេងយ៉ាងអនាធិបតេយ្យ នាំគ្នាស្រែកហ៊ោកញ្ច្រៀងបង្កឲ្យភ្ញាក់ផ្អើលដល់ពលរដ្ឋរស់នៅជិតខាងមានការភ័យខ្លាចអំពីបញ្ហាអសន្តិសុខកើតឡើងដូចជាបទល្មើសផ្សេងៗ (ពោលគឺ)លួច ឆក់ ប្លន់ និងអំពើហិង្សាក្នុងគ្រួសារជាដើម។
ប្រភពបានបន្តពីពលរដ្ឋបានលើកឡើងទៀតបន្ទាប់ឲ្យកើតមានទីតាំងល្បែងស៊ីសងជល់មាន់និងអាប៉ោងខុសច្បាប់ខាងលើនេះមកពួកគាត់មានការព្រួយបារម្ភជាខ្លាំង ព្រោះថាថ្វីដ្បិតជំងឺ កូវីដ-19,, បានកាត់បន្ថយខ្លះៗពិតមែនក៏ដោយ ប៉ុន្តែជំងឺ កូវីដ-19,, បម្លែងថ្មី ឈ្មោះថា (អូមីក្រុង) នៅជាបញ្ហាដដែល ដោយឡែកគេសង្កេតឃើញទីតាំងនេះមានមនុស្សជាច្រើននាក់បាននាំគ្នាជួបជុំ!យ៉ាងពពាក់ពពូនចូលទៅលេងល្បែងសុីសងខុសច្បាប់ យ៉ាងគគ្រឹកគគ្រេងបែបនេះជារៀងរាល់ថ្ងៃ ចំណែកអាជ្ញាធរមានសមត្ថកិច្ចក្នុងមូលដ្ឋាន បែរជាមិនវិធានការទប់ស្កាត់ឬមួយបង្ក្រាប!តាមបទបញ្ជារបស់អគ្គស្នងការនគរបាលជាតិ និងក្រសួងមហាផ្ទៃ នោះឡើយ!
ព្រោះកន្លងមកនេះ រាជរដ្ឋាភិបាល និងក្រសួងសុខាភិបាល បានអំពាវនាវឲ្យពលរដ្ឋខ្មែរទូទាំងប្រទេស ឲ្យអនុវត្ត បីកុំ បីការពារ និងចូលរួមដើម្បីលុបបំបាត់ជំងឺ កូវីដ-១៩ ជាពិសេស បម្លែងថ្មី ឈ្មោះថា (អូមីក្រុង) កំពុងតែមានវត្តមាន ក្នុងប្រទេសកម្ពុជាយើង ពាក់ព័ន្ធទីតាំងល្បែងស៊ីសងជល់មាន់និងអាប៉ោងខុសច្បាប់ មួយកន្លែងខាងលើនេះ ពលរដ្ឋចាំមើល អាជ្ញាធរមានសមត្ថកិច្ចក្នុងមូលដ្ឋាន តើពួកគាត់មានវិធានការទប់ស្កាត់ឬមួយបង្ក្រាប!ទីតាំងល្បែងនៅខាងលើនេះដែរឬទេ?
ចំពោះករណីល្បែងស៊ីសងខុសច្បាប់កំពុងកើតមានយ៉ាងផុសផុលនៅក្នុងមូលដ្ឋានបែបនេះ មហាជនក៏ដូចពលរដ្ឋរស់នៅក្នុងមូលដ្ឋានខាងលើ បានរាយការណ៍តាមរយៈអ្នកសារព័ត៌មាន ពួកគាត់បានសូមណុំពរទៅដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម មិនគួរមើលរំលងគួរតែចាត់មន្ត្រីក្រោមឱវាទចុះពិនិត្យតាមភាពជាក់ស្ដែង ជាពិសេស លោកឧត្តមសេនីយ៍ទោ ឯម កុសល ជាស្នងការដ្ឋាននគរបាលខេត្តកំពង់ចាម សូមមេត្តាជួយទប់ស្កាត់ឬមួយមានវិធានការបង្ក្រាប!ទីតាំងល្បែងស៊ីសងជល់មាន់និងអាប៉ោងខុសច្បាប់ មួយកន្លែង បើកដំណើរការលេងនៅភូមិខាងលើនេះដើម្បីធានាបាននូវសន្តិសុខសុវត្ថិភាពភូមិ ឃុំ ទាំង ៧ ចំណុច របស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ ផងទាន។ ម្យ៉ាងវិញទៀតពួកគាត់កំពុងភ័យខ្លាចបំផុតនោះគឺការឆ្លងរីករាលដាល់ជំងឺ កូវីដ-19,, បម្លែងថ្មី ឈ្មោះថា(អូមីក្រុង) ជាខ្លាំង៕
