អង្គភាពអ្នកនាំពាក្យរាជរដ្ឋាភិបាល នៅទីស្ដីការគណៈរដ្ឋមន្ត្រី សាលសេរីភាព ជាន់ផ្ទាល់ដី នាព្រឹកថ្ងៃទី០១ ខែកុម្ភៈ ឆ្នាំ២០២២ នេះ មានរៀបចំសន្និសីទសារព័ត៌មាន ស្ដីពី “វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត របស់រដ្ឋបាល ខេត្តកំពង់ចាម” ។ សន្និសីទនេះ ក្រោមវត្តមាន ឯកឧត្តម ផៃ ស៊ីផាន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល និងឯកឧត្តម ខ្លូត ផន ប្រធានក្រុមប្រឹក្សាខេត្ត ។ អញ្ជើញចូលរួម នាឱកាសនោះ មានឯកឧត្ដម ហេង វណ្ណនី អភិបាលរងខេត្ត និងដោយមានការអញ្ជើញចូលរួមពី លោកស្រី ជាប្រធាន អនុប្រធានមន្ទីរ អង្គភាព ស្ថាប័ន ក្នុងខេត្តតំណាងមេឃុំ ចៅសង្កាត់ និងអ្នកពាក់ព័ន្ធ ជាច្រើនរូបទៀត ផងដែរ ។
ឯកឧត្តម ផៃ ស៊ីផាន ប្រធានអង្គភាពអ្មកនាំពាក្យរាជរដ្ឋាភិបាល បានគូសបញ្ជាក់ថា សន្និសីទសារព័ត៌មាន ខាងលើនេះ ធ្វើឡើងក្នុងគោលដៅ បំផុស និងបង្ហាញជាសាធារណៈ នូវយន្តការប្រជាធិបតេយ្យ ថ្នាក់ក្រោមជាតិ ជាប្រវត្តិសាស្ត្ររបស់កម្ពុជា និងផ្សព្វផ្សាយពីសមិទ្ធិផល ដែលថ្នាក់មូលដ្ឋាន ខិតខំប្រឹងប្រែងបំពេញការងារសម្រេចបាន ក្នុងកិច្ចរក្សាបាននូវការជឿទុកចិត្ត ចូលរួម និងការគាំទ្រទាំងស្រុង លើការដឹកនាំ របស់រាជរដ្ឋាភិបាល ៕
ប្រភព៖ រដ្ឋបាលខេត្តកំពង់ចាម
