កំពង់ធំ ៖ លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញនិងនេសាទ និងជាប្រធានអនុកម្ម ASPIRE ខេត្តកំពង់ធំ នៅព្រឹកថ្ងៃព្រហស្បតិ៍ ទី០៩ ខែកញ្ញា ឆ្នាំ២០២១ បានធ្វើអនុកម្មវិធីផ្សព្វផ្សាយបច្ចេកទេសកសិកម្មថ្មីដែលធន់នឹងការប្រែប្រួលអាកាសធាតុ (ASPIRE) ដែលអនុវត្តដោយខណ្ឌរដ្ឋបាលជលផល បានចុះចែកទុនសហវិនិយោគធាតុចូល គាំទ្រដោយកម្មវិធី ASPIRE ! បណ្ដុំអាជីវកម្មចិញ្ចឹមត្រីសំបូរ ដែលមានសមាជិកសរុប ៤០ គ្រួសារ រួមមានៈ ពូជត្រីប្រា ១៤៧០០ក្បាល ពូជត្រីអណ្ដែង ៣៣ ៧០០ក្បាល និងចំណីចំនួន ៧៥គីឡូក្រាម នៅឃុំសំបូរ ស្រុកប្រាសាទសំបូរ និង បណ្ដុំចិញ្ចឹមត្រីមានជ័យ មានសមាជិកសរុប ៤០ គ្រូសារ។ និងនៅឃុំមានជ័យ ស្រុកសណ្តាន់ មានពូជកូនត្រីអណ្ដែង ចំនួន ៥០ ៤០០ ក្បាល និង ចំណីត្រីចំនួន ២៥ គីឡូក្រាម ដោយមានការចូលរួមពីក្រុមការងារថ្នាក់ខេត្ត ស្រុក អាជ្ញាធរមូលដ្ឋាន និងអ្នកពាក់ព័ន្ធផងដែរ៕
