ខេត្តឧត្តរមានជ័យ ៖ រោងសិប្បកម្មកែច្នៃ ជាច្រើនកន្លែង ដែលគេសង្ស័យថា អត់ច្បាប់នៅក្នុងភូមិ ត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ កំពុងតែធ្វើសកម្មភាពជារៀងរាល់ថ្ងៃ តែមិនដែលឃើញមានអស់លោកអាជ្ញាធរ និងមន្ដ្រីជំនាញទាំងនោះធ្វើការចុះបង្ក្រាបសោះឡើយ គេសង្ស័យថាមានការបើកភ្លើងខៀវពីអាជ្ញាធរមន្ដ្រីជំនាញពាក់ព័ន្ធ។
បើយោងតាមប្រភពពីប្រជាពលរដ្ឋថា ជាខ្សែស្រលាយរបស់មេព្រៃទាំងនោះទើបបានជាអស់លោកមិនដែលចុះបង្ក្រាប ម្ដងណាឡើយ ជាក់ស្តែងនៅនៅថ្ងៃ ច័ន្ទ ទី០៦ ខែកញ្ញា ឆ្នាំ២០២១ វេលាម៉ោង១០ និង៣០ នាទីថ្ងៃ ក្រុមការងារសារព័ត៌មានយើងបានចុះទៅថតផ្ដិតយករូបភាពនៅទីកន្លែងនោះផ្ទាល់ ឃើញមាន ម៉ាស៊ីនតាបជ្រៀកឈូសឈើតាប់ដុំតូចធំជាច្រើនម៉ែត្រគីប ឈើសន្លឹកមុខកាត់ធំៗ ជាច្រើនសន្លឹក មានជាងកំពុងធ្វើជាច្រើននាក់ លាន់ឮសម្លេងទ្រហឹងអឹងកងផ្អើលពេញភូមិ ស្មើរតែបែកក្រដាសត្រចៀក បែកជាអស់លោក មេព្រៃ និងអស់លោក មន្ដ្រីជំនាញទាំងនោះធ្វើមិនដឹងមិនឮទៅវិញ។
ប្រជាពលរដ្ឋសម្ដែងការហួសចិត្តយ៉ាងខ្លាំងចំពោះលោក ជៀល សុផល នាយសង្កាត់រដ្ឋបាលព្រៃឈើស្រុកត្រពាំងប្រាសាទ ដែលមិនមានការបង្ក្រាបឬក៏ទប់ស្កាត់សិប្បកម្មកែច្នៃនោះឡើយ ពេលនេះប្រជាពលរដ្ឋសំណូមពរដល់មន្ដ្រីជំនាញថ្នាក់ជាតិមេត្តាជួយពិនិត្យនិងបង្ក្រាបផងទាន៕
