សៀមរាប ៖ ដីព្រៃលិចទឹករាប់សិបហិចតាត្រូវបានឈ្មួញឈូសឆាយបំផ្លាញយកដីលក់ជាហូរហែរដោយមានការឃុបឃិតគ្នាជាប្រព័ន្ធធ្វើអោយព្រៃលិចទឹកតំបន់៣ ក្នុងឃុំ អណ្លងសំណរ ស្រុកជីក្រែង ខេត្តសៀមរាបរលាយហិចហោចរាងរាល់ឆ្នាំ។
ប្រភពព័ត៏មានពីប្រជាពលរដ្ននិងអ្នកឃ្លាំមើលបទល្មើសឈូសឆាយដីព្រៃលិចទឹកបានអោយដឹងថា កាលលោក សេង យន ធ្វើជាមេឃុំអណ្លង់សំណរ ព្រៃលិចទឹកត្រូវបានថែរក្សាបានទាំងអស់ តែចាប់តាំងពី លោក កង ស៊ីជឿន ឡើងធ្វើជាមេឃុំ ក្នុងឆ្នាំ២០២១ និងលោក លាប ធាង មកកាន់តំណែងនាយសង្កាត់ជលផលអណ្លងសំណរ បែរជាមានការឃុបឃិតគ្នាបំផ្លាញ បើកដៃអោយឈ្មួញឈូសឆាយព្រៃលិចទឹកតំបន់៣ ត្រង់ចំនុច ខាងលិចមាត់អូរធំ អូរកេះ អូរក្រាយ ជាប់និងព្រំប្រទល់លោក ជុំភាព នាយសង្កាត់រដ្ឋបាលជលផល ខាងកើតឃុំល្វែងឬស្សី ជាបន្ដបន្ទាប់ស្ទើរតែរលាយអស់ ដោយសារតែបានផលប្រយោជន៍រាងខ្លួន។
កក្តាទាំងនេះធ្វើអោយពលរដ្នកើតទុកមិនសុខចិត្តដោយសារតែពួកគាត់មិនអាចភ្ជួររាស់បាន តែបើអ្នកមានលុយមានអំណាចវិញធ្វើបានដោយសេរីគ្មានអាជ្ញាធរ ឬមន្ដ្រីជំនាញណាហាមឃាតឡើយ។
លោក កង ស៊ីជឿន មេឃុំអណ្លងសំណរ បានឆ្លើយបំភ្លឺ ធ្វើដូចមិនដឹងមិនឃើញមិនចង់ទទួលខុសត្រូវ ទោះបីលោកមេឃុំទទួលស្គាល់ដីខាងលិចអូរធំនោះពិតជាក្នុងឃុំអណ្លង់សំណរក៏ដោយ តែលោកបែរជាសួរមកវិញថាដីព្រៃនៅចំនុចត្រង់ណា ចំងាយណា?ដែលគេឈូសឆាយនោះ?ការឆ្លើយបែបនេះធ្វើពលរដ្នរស់នៅតំបន់នោះថ្លែងថាទោះបីលោក កង ស៊ីជឿន មេឃុំអណ្លងសំណរ និងលោក លាប ធាង នាយសង្កាត់ជលផលអណ្លងសំណរ ខំបិតបាំងអំពើឃុបឃិតគ្នាបំផ្លាញដីព្រៃលិចទឹកនៅតំបន់ខាងលើក៏លាក់មិនជិតដែរដែរ ។
ចំណែក លោក លាប ធាង នាយសង្កាត់ជលផលអណ្លង់សំណរយើងមិនអាចសុំការបំភ្លឺបានទេដោយសារតេទូស័ព្ទចូលច្រើនដងតែលោកមិនទទួល មិនដឹងថាលោករវល់ឬមិនចង់បកស្រាយជុំវិញការរឹះគន់ខាងលើនេះ។
ដើម្បីអោយមានភាពសុក្រិត និងមានទល្យាភាពអង្គភាពយើងស្វាគមន៍ក្នុងការបំភ្លឺពីគ្រប់អ្នកពាក់ព័ន្ធបន្ថែមទៀតគ្រប់ម៉ោងធ្វើការ ។
ពលរដ្នស្នើរអោយ លោក ទា គឹមសុទ្ធ លោក ម៉ុង ប៊ុនលីម ជាពិសេស លោក ទៀ សីហា អភិបាលខេត្តសៀមរាប បើកការស៊ីបអង្កេតអោយបានឆាបដើម្បីការពារព្រៃលិចទឹកដែលនៅសែសសល់ និងចាត់វិធានការច្បាប់អោយមានប្រសិទ្ធិភាពកុំអោយជនល្មើសឃុបឃិតគ្នាបំផ្លាញដីព្រៃលិចទឹកបន្ដទៀត៕
