កំពងធំ ៖ រថយន្តវេអងមួយគ្រឿងបើករ៉េចង្កូតក្រឡាបផ្ងារជើងឡើងលើ ធ្លាយពោះចេញទំនិញរាយប៉ាយពេញថ្នល់ត្រូវបានគេសង្ស័យថាជាទំនិញគេចពន្ធ ដែលប្រភពបានអោយដឹងថារថយន្ដនេះដឹកចេញពីច្រកអូស្មាច់ ខេត្តឧត្តរមានជ័យ មកក្រឡាបផ្ងារជើងធ្លាយពោះ នៅចំនុចភូមិក្បិល ឃុំសានគរ ស្រុកកំពង់ស្វាយ ខេត្តកំពង់ធំ កាលពីថ្ងៃទី ២៧ ខែកុម្ភះឆ្នាំ២០២១ ធ្វើអោយអ្នកធ្វើដំណើរឈប់មើលរហូតកក់ស្ទះចរាចរណ៍ ។
បើតាមការឲ្យដឹងពីអ្នកដឹកទំនិញដូចគ្នាបានបញ្ជាក់ថា ទំនិញគេចពន្ធនេះដឹកចេញតាមច្រកល្បៀងអូរស្មាច ហើយរថយន្តនេះជាកម្មសិទ្ធរបស់ជំទាវមួយរូប ដែលតែងតែធ្វើសកម្មភាពដឹកជញ្ចូនទំនិញជារឿយៗ ធ្វើអោយសមត្ថកិច្ចនៅតាមដងផ្លូវស្គាល់ចិត្តស្គាល់ថ្លើមពុំហ៊ានបង្ក្រាបទំនិញនេះទេទោះបីដឹងថាទំនិញគេចពន្ធក៏ដោយ ជាក់ស្ដែងរថយន្តវេអងនេះធ្លាប់បានមន្ត្រីកងរាជអាវុធហត្ថឃាត់ចូលបន្ទាយកងរាជអាវុធហត្ដខេត្តកំពង់ធំម្តងហើយកាលពីខែមុនក្នុងអំឡុងពេលយប់ម៉ោង៣ទាបភ្លឺ លុះព្រឹកឡើងរថយន្ដនេះត្រូវបានដោះលែងយ៉ាងរលូនទៅវិញដោយបានមិនបានដឹងថាមានលិខិតឬឯកសារបង់ពន្ធត្រឹមត្រូវឬយ៉ាងណាទេ ស្រាប់តែត្រូវរ៉ូវគ្នាដោះលែងបាត គ្រាន់តែលេចលឺព័ត៏មានមកថាមានអន្តរាគមន៍ជាកញ្ចប់ពីជំទាវម្នាក់ហើយជំទាវនោះគំរាមទៅមន្ត្រីថ្នាក់ទាបម្នាក់នោះថែមទៀត។
លោក ម៉ែនលី ស្នងការខេត្តកំពងធំអង្គភាពយើងមិនអាចសុំការសម្ភាសបានទេជុំវិញករណីរថយន្ដដឹកទំនិញក្រឡាប់នេះ ដោយសារយើងទំនាក់ទំនងតាមទូស័ព្ទរួចហើយតែលោក មិនលើកទូស័ព្ទ ដោយមានការរឹះគន់ថាមានជាប់ពាក់ព័ន្ធនិងលោកស្នងការ តែអង្គភាពយើង នៅតែរងចាំការបកស្រាយពីលោក ស្នងការគ្រប់ម៉ោងធ្វើការ។
លោក ខៀវសារឿន មេគយ ខេត្តកំពង់ធំ បានបកស្រាយតាមទូស័ព្ទស្រពិចស្រពិលថា លោកមិនអាចបកស្រាយតាមទូស័ព្ទបានទេ លោកក៏បានតេរួចកូនចៅនៅច្រកអូរស្មាចរួចឆ្លើយថាទំនិញទាំងនោះគេបង់ពន្ធទាំងអស់ គ្រាន់តែទំនិញខ្លះ បិតតែម ខ្លះទៀតមិនបិតតែមតែប៉ុណ្ណោះ ៕
