ខេត្តសៀមរាប៖ ពលរដ្ឋខេត្តសៀមរាបម្នាក់ ត្រូវបាន«សត្វពស់ខាំ» ពេល ដែលជនរងគ្រោះកំពុងចុះមើលសន្ទូច! ខណៈពេលនេះកំពុងជួយសង្គ្រោះបន្ទាន់នៅមន្ទីរពេទ្យបង្អែកខេត្តសៀមរាប។
លោកវរសេនីយ៍ឯក លឹមសម្បត្តិអធិការនគរបាលស្រុកសាគងបានបញ្ជាក់ថា មុននេះបន្តិចនាវេលាម៉ោង ១៩និង៤៥នាទីយប់ថ្ងៃទី១៥ខែតុលាឆ្នាំ២០២០នេះ នៅចំណុចខាងជើងភូមិលលៃ ឃុំបាគង ស្រុកប្រាសាទបាគង មានករណីសត្វពស់ខាំជនរងគ្រោះម្នាក់ ឈ្មោះឡង់ រ៉ាភីភេទប្រុសអាយុ១៨ឆ្នាំ ខណៈដែលជនរងគ្រោះកំពុងចុះមើលសន្ទូចដាក់ត្រី បណ្តាលអោយសន្លប់ពេលមកដល់ផ្ទះ ត្រូវបានក្រុមគ្រួសារ និងមន្ត្រីនគរបាលមូលដ្ឋាន សហការណ៍ ជាមួយមន្ត្រីសុខាភិបាល ជួយបញ្ជូនតាមរថយន្តមកមណ្ឌលសុខភាពបាគង និងបញ្ជូនបន្តទៅសង្គ្រោះនៅមន្ទីរពេទ្យបង្អែកខេត្តសៀមរាប។
ជាមួយគ្នានេះ លោកសូមអំពាវនាវ ដល់បងប្អូនប្រជាពលរដ្ឋ ដែលរស់នៅ តាមតំបន់ដែលមានទឹកជន់ឡើង សូមមានការប្រុងប្រយ័ត្នចំពោះ សត្វអាសិរពិសគ្រប់ប្រភេទបង្ការកុំអោយមានគ្រោះថ្នាក់ជាយថហេតុ៕
