ខេត្តកំពង់ធំ៖ ចង់ដឹងខ្លាំងណាស់ លោក ប៊ុនលី នគរបាលសេដ្ឋកិច្ច ខេត្តកំពង់ធំ ឃាត់រថយន្តដឹកគោលើសច្បាប់មិនបាន មួយដង្ហើមចង្រិតដោះលែងវិញយ៉ាងស្ងៀមស្ងាត់ ឬមួយលោកប៊ុនលី ចេះមន្ដអាគមន៍ឆ្ពិនភ្នែកបំបាំងរថយន្តវេអង់ធុនយក្យមួយគ្រឿង ដែលបានអនុញ្ញាតិឲ្យឈ្មោះហ៊ឹម ចាន់សេរីសម្បត្តិ ជាប្រធានក្រុមហ៊ុនយុវពាណិជ្ជ ដឹកគោ ចេញពីប្រទេសថៃឆ្ពោះទៅប្រទេសវៀតណាម នៅថ្ងៃទី១៤ ខែតុលាឆ្នាំ ២០២០ តែបែរជាក្រុមហ៊ុនលួចដឹកថ្ងៃទី ១៣ ខែតុលាឆ្នាំ ២០២០ ។
តាមប្រភពព័ត៏មានបានអោយដឹងថាលោក ប៊ុនលី នគរបាលសេដ្ឋកិច្ចខេត្តកំពង់ធំ ចាប់រថយន្តដឹកគោលើសច្បាប់ហើយដោះលែង ដោយមិនសហការនិងមិនរំខានដល់មន្ដ្រីជំនាញពេទ្យសត្វជាហេតុធ្វើឲ្យមានការសង្ស័យថា ប្រហែលជាបានទទួលលាភសក្ការៈគួរសមហើយមើលទៅបានជាហ៊ានអនុម័តដោយខ្លួនឯង ។
ជាក់ស្ដែងរថយន្តធុនយក្សរបស់ក្រុមហ៊ុន អង្គរសុខសែនជ័យ ក្បាលឡានពាក់ស្លាកកំពង់ចាម3A-7522 ពណ៌ស បានដឹកគោរចេញពីប្រទេសថៃ តាមលិខិតអនុញ្ញាតិដឹកគោចំនួន៣០ក្បាលចេញពីប្រទេសថៃ តាមច្រកអូបីជាន់ខេត្តបន្ទាយមានជ័យ នៅថ្ងៃទី១៤ តែបែរជាដឹកនៅថ្ងៃទី១៣ ខែតុលាឆ្នាំ២០២០ ឆ្ពោះទៅប្រទេសវៀតណាម លុះមកដល់ខេត្តកំពង់ធំ ត្រូវបាននគរបាលសេដ្ឋកិច្ច នៃស្នងការនគរបាលខេត្តកំពង់ធំ ដឹកនាំដោយលោក ប៊ុន លី ឃាត់បាននៅចំនុចផ្លូវវៀងក្រុង ជិតរង្វង់មូលលោកតាក្រហមករ ស្ថិតក្នុងភូមិបាល័ង្គ សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ នៅពេលចាប់បានរាយការណ៍ជូន ជំនាញពេទ្យសត្វខេត្តកំពង់ធំ ដល់តែដោះលែងៗ ដោយគ្មានជម្រាប់ប្រាប់អ្នកណាឲ្យបានដឹងនោះទេ។
តាមសេចក្តីរាយការណ៍បានបញ្ជាក់ថា ក្រោយពីសមត្ថកិច្ចបានពិនិត្យនិងរាប់ចំនួនគោ ពិតប្រាកដគោក្នុងឡានមានចំនួន៦០ក្បាល ដែលនគរបាល សេដ្ឋកិច្ចបានបញ្ជាក់ចំពោះមុខតៃកុងឡានថា គោទាំងនេះតម្រូវឲ្យដឹកចំនួន២ឡាន តែក្រុមហ៊ុនយុវពាណិជ្ជ បានដឹកសរុបតែមួយឡានគឺលើសចំនួន៣០ក្បាល ក្រោយពីឃាតបានមួយដង្ហើមចង្រិត ស្រាប់តែលោកនគរបាល សេដ្ឋកិច្ចដោះលែងទៅស្ងាត់ៗ ដោយមិនខ្ចីឲ្យជំនាញ ឬអង្គភាពពាក់ព័ន្ឋដឹងនោះឡើយ ដោយយកលេះមានការ អន្តរាគមន៍ពីក្រសួងមហាផ្ទៃ។
លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានឲ្យដឹងថា លោកពុំបានដឹងថា ការចាប់រថយន្តដឹក គោលើសចំនួននេះ មានការអន្តរាគមន៍ពីក្រសួងមហាផ្ទៃ ដូចលោក ប៊ុន លី អះអាងនោះឡើយ ចំណែកលោក វ៉ា ចាន់់ កុសល់ ស្នងការរងទទួលផែនសេដ្ឋកិច្ចខេត្តកំពង់ធំ នៃស្នងការនគរបាលខេត្តកំពង់ធំ បានបញ្ជាក់ថាលោកមិនដឹងទាល់តែសោះពីការចាប់ឡានដឹកគោនេះ។
លោក តាន់ ម៉េងឆាង ប្រធានការិយាល័យផលិតកម្ម និងបស្សុព្យាបាលសត្វ ខេត្តកំពង់ធំ ឆ្លើយថាមិនបានដឹង ។
លោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រម៉ាញ់និងកេសាទ ខេត្តកំពង់ធំលោកក៏បានបដិសេធថា មិនបានដឹងរឿងចាប់ឡានគោនេះដែរ។
ពាក់ព័ន្ឋនិងករណីចាប់រថយន្តដឹកគោ លើសច្បាប់អនុញ្ញាតិពាក់កណ្តាលនេះ អ្នកសារព័ត៌មានយើង ពុំអាចធ្វើការទំនាក់ទំនងទៅលោក យិន សុភាន់ នគរបាលសេដ្ឋកិច្ចខេត្ត ដែលជាអ្នកសកម្មក្នុងការបង្ក្រាបបទល្មើសសេដ្ឋកិច្ចក្នុងខេត្តកំពង់ធំបាន ទោះទូរស័ព្ទតេចូលច្រើនដង់ក៏ដោយ ៕
