កំពង់ធំ ៖ មានសេចក្ដីរាយការណ៍ពីប្រជាពលរដ្នលក់ដូរនៅរមនីយដ្ឋានភ្នំសន្ទុក មកថាកាលពីថ្ងៃទី៨ ខែកក្កដា ឆ្នាំ២០២០ មានអំពើហឹង្សាមួយករណីផ្ដើមចេញពីការទាលុយ៣០០០រៀលថ្លៃសំអាតបរិស្ថាន ហេតុការណ៍នេះបានកើតមានទំនាស់រវាងអ្នកគ្រប់គ្រប់អនាម័យបរិស្ថាននៅរមនីយដ្ឋានភ្នំសន្ទុក និងលោក វរសេនីយ៍ឯក យី សំអូន មេបញ្ចាការរងកងរាជអាវុអាហត្ថខេត្តកំពង់ធំ រហូតមានការចោតប្រកាន់ទៅលើ់ លោកវរសេនីយ៍ឯក យី សំអូន ថាបានទះកំភ្លៀងអ្នកគ្រប់គ្រប់អនាម័យបរិស្ថាននៅរមនីយដ្ឋានភ្នំសន្ទុកផ្អើលអ្នករត់ម៉ូតូឌុប និងអ្នកលក់ដូរនៅទីនោះ។
លោក ប្រាក់ សុខប៊ុន ហៅទី អ្នកគ្រប់គ្រងនៅរមនីយដ្ឋានភ្នំសន្ទុកបានផ្ដល់បទសម្ភាសនៅព្រឹកថ្ងៃទី១១ខែកក្កដាឆ្នាំ២០២០ថា ច្បាប់កំណត់ក្នុង១នាក់បង់១០០០រៀលថ្លៃអនាម័យ លោកបានជិះម៉ូតូតាមទាលុយចំនួន៣០០០រៀល ដោយក្នុងរថយន្ដមានមនុស្សចំនួនបីនាក់ ខណះពេលដែលកំពុងសុំលុយ លោកបានលើកដៃសំពះគោរពត្រឹមត្រូវ ស្រាប់តែលោកយី សំអូន បានប្រាប់ជនរងគ្រោះថាហែងមិនមើលស្លាកលេខ ខម ទេអី ជនរងគ្រោះក៏បានប្រាប់លោក យី សំអូន ថានៅកន្លែងនេះលើកលែងតែជនពិការ កូនក្មេង នឹងអ្នកមានបេសកម្ម ពីក្រសួងនឹងមន្ទីរទេសចរណ៌តែប៉ុណ្ដោះដែលមិនអោយយកលុយក្រៅពីនោះគឺយកទាំងអស់ ដើម្បីយកលុយបង់ចំនូលអោយថ្លៃអនាម័យកម្មករដែលសំអាតនៅរមនីយដ្ឋានភ្នំសន្ទុកនិងបង់ជូនខេត្តនិងក្រសួងផងដែរ ។
ខណះពេលប្រកែកគ្នាស្រាប់តែម្ដាយរបស់លោកយី សំអូន ដែលជិះក្នុងរថយន្ដជាមួយគ្នាបានសួរទៅជនរងគ្រោះថារឿងអី នៅពេលនោះលោកយី សំអូនបានស្រែកប្រាប់ម្ដាយរបស់លោកថា មិនបាច់អោយលុយវាទេ បើហ៊ានតែអោយគឺមានរឿងហើយ ! ជនរងគ្រោះក៏បានសួរទៅម្ដាយលោកយី សំអូន ថាគាត់ធ្វើការអីបានសំដីរបស់គាត់កាចម្លេះ គ្រាន់តែលឺដូច្នោះ ស្រាប់តែលោកយី សំអូន បានចុះមកទះកំភ្លៀងលោកតែម្ដងរហូតមានដកកាំភ្លើងខ្លីតែត្រូវបានប្រពន្ធរបស់លោកយកកាំភ្លើងទៅទុកក្នុងឡានវិញ ជនរងគ្រោះក៏បានយកទូរស័ព្ទមកថត តែត្រូវបានលោកយី សំអូនចុះមកឆក់យកទូរស័ព្ទពីដៃហើយបើកឡានរត់ទៅបាត់ មកដល់ពេលនេះលោកថា ដោយមានការអន្ដរគមន៍ពីលោកហង្ស ថុល មេបញ្ចាការកងរាជអាវុធហត្ថខេត្ត សុំអោយលោកពន្យាពេលអោយចូលខ្លួនមកដោះស្រាយទើបលោកសម្ងំសិន តែលោកបានប្ដឹងទៅប៉ុស្ដិនគបាលសន្ទុក ដើម្បីទាសំណងជំងឺចិត្ត១០លានរៀល តែលោកថាមិនចង់មានរឿងវែងឆ្ងាយទេ។
លោកវរសេនីយ៍ឯក យី សំអូន មេបញ្ជាការរងកងរាជអាវុធហត្ថខេត្តកំពង់ធំបានផ្ដល់បទសម្ភាសតាមទូស័ព្ទ នៅថ្ងៃទី១១ ខែកក្កដា ឆ្នាំ២០២០ថា កាលដែលលោកបើកបរពុំឃើញមានដាក់បារាសនោះទេលោកក៏បានបើកបរទៅ ស្រាប់មានមនុស្សម្នាក់មកចង្អុលមុខលោក ហើយថតរូបលោកថែមទៀតទើបលោក ប្រវ៉ាយប្រតបឆក់យកទូស័ព្ទដៃ ! លោកយី សំអូន បដិសេដថា លោកពុំបានទះកំភ្លៀងដូចការចោតប្រកាន់របស់ជនរងគ្រោះនោះទេ រឿងអីលោកទៅវ៉ៃគេនោះ បើលោកដើរធ្វើតែបុណ្យមិនដែលប៉ះពាលអ្នកណាទេ ហើយលោកក៏ពុំចង់អោយមានរឿងវែងឆ្ងាយនោះដែរ។
លោក ហង្ស ថុល មេបញ្ចាការកងរាជអាវុធហត្ថខេត្តកំពង់ធំបានប្រាប់ក្នុងកិច្ចសម្ភាសតាមទូស័ព្ទនៅថ្ងៃទី១១ ខែកក្កដាឆ្នាំ២០២០នេះថា លោកមិនកាន់ជើងកូនចៅនោះទេបើរឿងនោះវាពិតមែន តែលោកកំពុងតែអោយកម្លាំងចុះស្រាវជ្រាវសិន បើរឿងនោះជាការពិតលោកនិងមានវិធានហើយ ៕ប៊ុនរិទ្ធី
