កំពង់ធំ ៖ គ្មានអ្វីអាថ៌កំបាំងទេ! គ្រួសារជនរងគ្រោះបានទម្លាយរឿងសមត្ថកិច្ចប្រឆាំងបទល្មើសគ្រឿងញៀននៃស្នងការនគរបាលខេត្តកំពង់ធំមួយក្រុមបានធ្វើសកម្មភាពដេញចាប់ក្រុមអ្នកសេពគ្រឿងញៀនមានគ្នា ៥ ទៅ ៦នាក់ក្រោយពីធ្វើសកម្មភាពចាប់បានក្រុមអ្នកសេពគ្រឿងញៀនបានមួយចំនួន មិនបានមួយដង្ហើមចង្រិតផង ត្រូវបានដោះលែងទៅវិញតាមទម្លាប់នីតិវិធីដោះស្រាយរបស់សមត្ថកិច្ចដោយប្រើរូបមន្ដ រំលោះយកមនុស្សមកវិញ ។
ដោយឡែកជនរងគ្រោះម្នាក់ទៀត ឈ្មោះ ធា ថា ហៅ ( បាក់ )អាយុ ២៥ឆ្នាំបានរត់ប្រាសអាយុយករួចខ្លួនតែកម្មអកុសលត្រូវបានសមត្ថកិច្ចប្រឆាំងបទល្មើសគ្រឿងញៀននៃស្នងការនគរបាលខេត្តកំពង់ធំដេញរហូតធ្លាក់ទឹកបោកក្បាលនិងដើមឈើស្លាប់បាត់សាកសពជាច្រើនថ្ងៃទើបរកឃើញសាកសពក្នុងភាពហើមស្អុយមើលស្ទើរពុំយល់ ហេតុការណ៍នេះបានកើតឡើងនៅចំណុចអូរអង្គរ កាលពី ថ្ងៃព្រហស្បតិ៍ទី ៣ខែសីហាឆ្នាំ ២០២៣ ស្ថិតនៅក្នុងភូមិថ្មី ឃុំសាគ្រាម ស្រុកប្រាសាទបល្ល័ង្គ ខេត្តកំពង់ធំ។
បើយោងតាមសម្ដីរបស់ប្រពន្ធជនរងគ្រោះ ឈ្មោះ ម៉ៅ សាខន អាយុ ៣៤ឆ្នាំ រស់នៅក្នុងភូមិឃុំកើតហេតុខាងលើ បានរៀបរាប់ថាដោយសារតែជីវភាពរបស់ខ្លួនមានភាពខ្សត់ខ្សោយម្យ៉ាងប្ដីដែលស្លាប់ទៅហើយត្រូវបានគេទុកចោលផ្ទាល់ដីហាលថ្ងៃហាលភ្លៀងដូចសត្វធាតុដោយមើលឃើញសភាពហើមស្អុយមើលពុំយល់ក៏សម្រេចចិត្តមិនស្ដី មិនតប ខាំមាត់សង្កត់ចិត្តដើម្បីយកឱកាសធ្វើបុណ្យឱ្យខ្មោចប្ដីសិន ខណៈពេលដែលគេសួរថាបញ្ចប់ត្រឹមហ្នឹងឬមួយតទៀត។
ប្រពន្ធជនរងគ្រោះបន្ដថាប្ដីរបស់ខ្ញុំស្លាប់ដោយសារតែសមត្ថកិច្ចបង្ក្រាបគ្រឿងញៀនធ្វើឲ្យស្លាប់ ! ខ្ញុំមិនជឿថា ប្ដីរបស់ខ្ញុំលោតទឹកបុកក្បាលនិងដើមឈើស្លាប់នោះទេ ដោយមានការសង្ស័យថាមានគេវ៉ៃពីក្រោយទើបបណ្ដាលឲ្យបាក់ករជាំខ្មៅនិងជាំដើមទ្រូងទើបគាត់ស្លាប់។
យោងតាមការសម្ភាសន៍ប្រពន្ធជនរងគ្រោះបានរៀបរាប់ទៀតថា បងម្នាក់ទៀតក៏ត្រូវបានគេដេញដូចគ្នាប៉ុន្តែគាត់បានលោតទឹកហែលឆ្លងអូរដល់ត្រើយម្ខាងក្រឡេកមកមើលប្អូនឃើញប្រកាច់លើច្រាំងរួចរមៀលធ្លាក់ទឹកបាត់មិនឃើញងើបពីក្នុងទឹកមកវិញសោះ។
លោក វណ្ណៈ សុភានិត អភិបាលស្រុកប្រាសាទបល្ល័ង្គ បានផ្ដល់បទសម្ភាសថា លោកក្ដាប់មិនទាន់បានទេ គ្រាន់តែដឹងថាពិតជាមានករណីសមត្ថកិច្ចប្រឆាំងបទល្មើសគ្រឿងញៀនចុះបង្ក្រាប់ពិតមែន ។
លោក សោម សាវ៉ាត អធិការស្រុកប្រាសាបល្ល័ង្គបានផ្ដល់បទសម្ភាសថា លោកបានដឹងរឿងនេះក្រោយកើតហេតុ៣ថ្ងៃខណះគេស្រង់សាសពពីទឹក លោកបានចុះធ្វើកោសលវិច្ច័យដោយមានគ្រូពេទ្យផងដែរឆ្លងកាត់ការពិនិត្យឃើញថាជនរងគ្រោះបាក់ករក្នុងទឹក ! លោកថា មិនអាចនិយាយអ្វីអោយលើសនិងបានទេដោយសារគ្មានសាក្សីបំភ្លឺ ។
ជាចុងក្រោយប្រពន្ធជនរងគ្រោះសំណូមពរដល់ស្នងការនគរបាលខេត្តកំពង់ធំនិងប្រព័ន្ធតុលាការជួយស្រាវជ្រាវបទល្មើសជាក់ស្ដែងដើម្បីរកយុត្តិធម៌ឲ្យប្ដីរបស់ខ្ញុំផង។
ពាក់ព័ន្ធនឹងករណីចុះបង្ក្រាប់គ្រឿងញៀនបង្កឲ្យមានមនុស្សស្លាប់ អង្គភាពយើងពុំអាចសុំការសម្ភាសន៍ពីលោក នៅ រិន ស្នងការរងនគរបាលខេត្តកំពង់ធំ ទទួលផែនប្រឆាំងបទល្មើសគ្រឿងញៀនបាននៅឡើយទេដោយសារយើងពុំមានលេខទូរសព្ទប៉ុន្តែអង្គភាពយើងរង់ចាំការបំភ្លឺពីលោកគ្រប់ម៉ោងធ្វើការ ៕ ព័ត៌មានបឋម
