សៀមរាប៖ តើលោក ដា ចំរើន អធិការក្រុង និងលោកឧត្ដមសេនីយ៍ទោ តេង ចន្ទ័ណាត ស្នងការខេត្តសៀមរាបខ្លាចអំណាច លោកខ្លាហៅE12មែនទេ?ទើបមិនហ៊ានបង្ក្រាបបទល្មើសល្បែងស៊ីសងឡូតូនិងជល់មាន់តាមទូរទស្សន៍អនឡាញខុសច្បាប់ពេញក្រុងសៀមរាប។
បើយោងតាមអនុសាសន៍ណែនាំរបស់សម្ដេច តេជោ ហ៊ុន សែន ប្រមុខរាជរដ្ឋាភិបាលបានណែនាំអោយអជ្ញាធរមានសមត្ថកិច្ចគ្រប់ មូលដ្ឋាន ភូមិឃុំស្រុកខេត្តក្រុង បង្ក្រាបបទល្មើសល្បែងស៊ីសងគ្រប់ប្រភេទអោយខានតែបាន ដោយមានទំនួលខុសត្រូវ។
ជាក់ស្ដែងនៅថ្ងៃទី២៨ ខែ មេសា ឆ្នាំ២០២៣គេសង្កេតឃើញមានក្រុមអ្នកញៀនល្បែងជាច្រើនសម្រុកចូលទៅចាក់ភ្នាល់ល្បែងដាក់លុយតាមកញ្ចាក់ទូរទស្សន៍មានឡូតូនិងជល់មាន់តាមទូរទស្សន៍អនឡាញខុសច្បាប់ព្រោងព្រាតយ៉ាងអនាធិបតេយ្យដោយមិនញញើតច្បាប់នៅតាមហាងកាហ្វេនិងតារាបាល់ទះមួយចំនួន។
ទីតាំងទី១/ជល់មាន់ខុសច្បាប់តាមទូរទស្សន៍អនឡាញជ្រកក្រោមដំបូលតារាបាល់ទះភូមិសាលាកន្សែង សង្កាត់ ស្វាយដង្គំ ក្រុងសៀមរាប។
ទីតាំងទី២/បង្កប់ក្នុងហាងលក់ការហ្វេ ស្រី មុំ ស្ទឹងសៀមរាបមានតូឡូនិងជល់មាន់ខុសច្បាប់តាមទូរទស្សន៍អនឡាញស្ថិត ភូមិ បឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។
ទីតាំងទី៣/ បង្កប់នៅហាងលក់ការហ្វេក្រោយផ្សារសាមគ្គី មានឡូតូនិងជល់មាន់ខុសច្បាប់ទូរទស្សន៍អនឡាញស្ថិតក្នុង ភូមិបន្ទាយចាស សង្កាត់ស្លក្រាម ក្រុងសៀមរាប។
ទីតាំងទី៤/ក្នុងផ្សារបុរី សៀងណាំ ស្ថិតនៅភូមិ ខ្នា សង្កាត់ជ្រាវ ក្រុងសៀមរាប ខេត្តសៀមរាបដែលគេដឹងថាល្បែងស៊ីសងខុសច្បាប់ទាំងនេះជារបស់លោក ខ្លាហៅE12តែម្ដង។
ចាំមើលថាលោក ដា ចំរើនអធិការក្រុងសៀមរាបនិងលោកឧត្ដមសេនីយ៍ទោ តេង ចន្ទ័ណាតស្នងការដ្ឋានខេត្តសៀមរាបហ៊ានបង្ក្រាបទីតាំងបនល្បែងឡូតូនិងជល់មាន់ខុសច្បាប់តាមទូរទស្សន៍អនឡាញជ្រកក្រោមហាងកាហ្វេ តារាងបាល់ទះក្នុងបុរីសៀងណាំ របស់លោក ខ្លាហៅE12បានឬយ៉ាងណា?បើគេល្បីថាបុគ្គលរូបនេះមានឥទ្ធិពលនិងអំណាចខ្លាំងជាងរន្ទះបាញទៀត។
នៅថ្ងៃទី២៨ ខែ មេសា ឆ្នាំ២០២៣ក្រុមការងារយើងបានរាយការណ៍ជូនលោក ដា ចំរើន អធិការក្រុងសៀមរាបលោកបានបញ្ជាក់ថាចាំលោកទៅមើល។ លោក ឧត្ដមសេនីយ៍ទោ តេង ចន្ទ័ណាត ស្នងការដ្ឋាននគរបាលខេត្តសៀមរាបថាចំអោយប៉ុស្តិ៍ចុះពិនិត្យមើលផងដែរ ។
ពលរដ្ឋទទូចស្នើរសុំអោយឯកឧត្ដម សន្តិបណ្ឌិត នេតសាវឿន អគ្គស្នងការនគរបាលជាតិមេត្តាពិនិត្យមើលល្បែងស៊ីសងក្នុងក្រុងសៀមរាបផងទាន!ល្បីថាមានការអភិវិឌ្ឍន៍ជឿនលឿនជាងកាំជ្រួចផ្លោងទៅទៀត ហេតុផលទាំងនេះហើយដែលពលរដ្នមានការព្រួយបារម្ភ ភ័យខ្លាច នូវភាពអសន្តិសុខ អសុវត្ថិភាព មានចោរលួច ឆក់ ប្លន់ជាដើម៕ភាគ១
