កំពង់ធំ ៖ ផ្លូវក្រាលគ្រួសក្រហមមួយខ្សែរចេញពីទីភូមិត្បូងទឹក ឃុំមានរឹទ្ធ ស្រុកសណ្ដាន់ឆ្ពោះទៅកាន់ ឃុំទំរីង ត្រូវបានជួសជុលឡើងវិញក្នុងចំងាយផ្លូវ៤៥គីឡូម៉ែត្រ ក្រោមការសហការពីអាជ្ញាធរស្រុកសណ្ដាន់ និងក្រសួងសារធារណះការ ។
លោក ឡង់ គីសឹង អភិបាលស្រុកសណ្ដាន់បានមានប្រសាសន៍ថាផ្លូវក្រាលគ្រួសក្រហមមួយខ្សែមានចំងាយ៤៥គីឡូម៉ែត្រនេះ ពីមុនពិបាកធ្វើដំណើរណាស់! ក្រោយពីលោកបានមកធ្វើជាអភិបាលស្រុកសណ្ដាន់ លោកបានធ្វើផ្លូវនេះម្ដងហើយកាលពី៣ឆ្នាំមុន តែក្រោយមកផ្លូវនេះរងការខូចខាតខ្លាំងដែលត្រូវការជួសជុលឡើងវិញក្នុងខែ ឧសភា ឆ្នាំ២០២០នេះ ដោយមានការគាំទ្រថវិកាពីក្រសួងសារធារណះការ និងអាជ្ញាធរស្រុកសណ្ដាន់ក្នុងការជួសជុលនេះ បន្ទាប់ពីជួសជុលរួចហើយផ្លូវនេះក៏មានគំរោងចាក់កៅស៊ូផងដែរ៕ ប៊ុនរិទ្ធី
