សៀមរាប ៖ លោកមេឃុំពង្រលើ និងអនុភូមិ ស្វាយចេក ត្រូវបានប្រជាពលរដ្នក្នុងភូមិស្វាយចេក រឹះគន់ថា កំពុងតែបោកប្រាស់ពួកគាត់អោយគាំទ្រ ការសុំច្បាប់ស្ដារបាតបឹងស្វាយចេក ដើម្បីរក្សាទឹកទុកនៅរដូវប្រាំងសំរាប់ប្រើប្រាស់រួមគ្នាអោយបានដល់ប្រជាពលរដ្នអាស្រ័យផលដំណាំផ្សេងៗ តែរហូតមកដល់ពេលនេះជិត៣ឆ្នាំហើយ មិនឃើញស្ដារបឹងបានលទ្ធផលជាដុំកំភួននោះឡើយ ឃើញតែរណ្ដៅចោះៗ ជាច្រើនកន្លែងជីកយកអាចម៍ដីលក់អោយ លោក ឡេង ថៅកែឡធ្វើឥដ្នតែប៉ុណ្ណោះ លុះមកដល់ពេលនេះទាំងមេភូមិ ទាំងប្រជាពលរដ្ន និងអាជ្ញាធរស្រុកជីក្រែង ស្រង៉ាកចិត្ត ដោយលិចលឺដំណឹងថា ការសុំច្បាប់ស្ដារបឹងខាងលើនេះគឺគ្រាន់តែជាការជីកយកអាចម៍ដីលក់យកលុយដាក់ហោប៉ៅតែប៉ុណ្ណោះ មិនមានឆន្ទះស្ដារបឹងពិតប្រាកដនោះទេ ដែលមានទីតាំងស្ថិតនៅក្នុងភូមិ ស្វាយចេក ឃុំពង្រលើ ស្រុកជីក្រែង ខេត្តសៀមរាប។
ប្រជាពលរដ្ឋក្នុងភូមិស្វាយចេកបានប្រាប់ថាពួកគាត់មិនសប្បាយចិត្តរឿងលោក សាន សារុន អនុភូមិគំរាមមិនអោយតវ៉ារឿងស្ដារបាតបឹងដែលមានភាពយឺតយ៉ាវនោះឡើយ ហើយការប្រើអំណាច ពុកផុយនេះធ្វើឡើងចំពោះតែពលរដ្នមិនសូវយល់ មិនសូវដឹង តែប៉ុណ្ណោះ។
លោក សេង តាន់ មេភូមិស្វាយចេក ប្រាប់តាមទូស័ព្ទនៅថ្ងៃទី២ ខែឧសភា ឆ្នាំ២០២០នេះថា បឹងស្វាយចេកជាបឹងបុរាណ មន្ដ្រីបរិស្ថានតែងតែហាមឃាតពលរដ្នមិនអោយយកគ្រឿងចក្រចូលភ្ជួររាល់នោះទេ មុនឆ្នាំ២០១៨ មន្ដ្រីបរិស្ថានឃាតគ្រឿងចក្រមិនអោយកាយដីបឹងទេ ក្រោយមកត្រូវបានគេសុំច្បាប់ទៅអភិបាលស្រុកជីក្រែង ដោយក្នុងគំរោងស្ដារបឹងមានប្រវែងទទឹងទំហំ៥០ម៉ែត្រ និងបណ្ដោយ១០០ម៉ែត្រតែប៉ុណ្ណោះ !តែមកដល់ពីថ្ងៃទី១ខែឧសភាឆ្នាំ២០២០ម្សិលម៉ិញនេះ លោកអភិបាលស្រុកជីក្រែងបានហៅទៅប្រជុំ ទើបដឹង និងឃើញឯកសារស្ដារគេដាក់ទទឹង៥០ម៉ែត្រនិងបណ្ដោយ៨០០ម៉ែត្រទៅវិញ ចំណែករឿងផ្សេងទៀតលោកមិនសូវដឹងរឿងនោះទេ ។
លោក ម៉ៅ មន្ដ្រីបរិស្ថានគ្រប់គ្រោងតំបន់បឹងពែរខាងលើ យើងមិនអាចសុំការទំនាក់ទំនងតាមទូស័ព្ទបានទេដោយសារស្ថិតក្រៅតំបន់សេវ៉ា។
លោក សាន សារុន អនុភូមិស្វាយចេក បានអោយដឹងតាមទូស័ព្ទនៅព្រឹក ថ្ងៃ ទី២ ខែឧសភា ឆ្មាំ២០២០ បានឆ្លើយបដិសេដថា គ្មានការលក់អាចម៍ដីអោយឡឥដ្ឋដូចការរឹះគន់នោះទេ ការធ្វើនេះគ្មានការជួយពីភាគីណានោះដែរ ដូច្នេះយើងធ្វើទៅតាមលទ្ធភាព ដោយលោក ឡេងម្ចាស់ ឡឥដ្ឋ ជួយជីកយកអាចម៍ដី ហើយយើងបានជាបឹងទៅតាមសំណូមពរពលរដ្ន រហូតមកដល់ពេលនេះគឺយើងចប់គំរោង៥០ម៉ែត្រគុណ និង ១០០ម៉ែត្រហើយ ចំណែកគំរោងថ្មីគឺ ទទឹង ៥០ម៉ែត្រ បណ្ដោយ ៨០០ម៉ែត្រ តែមិនទាន់បានធ្វើនោះទេ។
លោក មិន ជួប មេឃុំពង្រលើ បានអោយដឹងតាមទូស័ព្ទនៅព្រឹកថ្ងៃទី២ ខែឧសភា ឆ្មាំ២០២០នេះថា ចំពោះការស្នើរសុំច្បាប់ស្ដារបឹងរបស់ភូមិ ឃុំខាងលើនេះទៅតាមសំណូមពរប្រជាពលរដ្នក្នុងភូមិ តែឃុំមិនមានលទ្ធភាពជួលគ្រឿងចក្រមកកាយជីកស្ដារនោះទេ ទើបលោក ឡេងម្ចាស់ឡឥដ្ឋកាយយកអាចម៍ដី ហើយខាងឃុំ បានជាបឹង ឯខាងមន្ដ្រីជលផលថាគេនិងដាក់អភិវឌ្ឍន៍ពូជត្រីនៅទីនោះដែរ និងម្ខាងសំរាប់ពលរដ្នប្រើប្រាស់អាស្រ័យផលផ្សេងៗ។ តែចំពោះការរឹះគន់ពីភាពអសកម្ម និងយកអាចម៍ដីលក់អោយម្ចាស់ម្ចាស់ឡឥដ្ឋ យកលុយដាក់ហោប៉ៅស្ថិតនៅជាអាថ៍កំបាំងនៅឡើយ ។
លោកហ៊ា ឡេង ម្ចាស់ឡឥដ្ឋ រស់នៅភូមិកំពង់ក្ដី១ ឃុំកំពង់ក្ដី ស្រុកជីក្រែង ខេត្តសៀមរាប បានមកធ្វើឡឥដ្ឋនៅភូមិ ស្វាយចេក ឃុំពង្រលើ ស្រុកជីក្រែង យើងពុំមានលេខទូស័ព្ទដើម្បីសុំការបកស្រាយជុំវិញការទិញអាចម៍ដីធ្វើឥដ្ឋនៅឡើយ។
លោក ពៅ ប៊ុនធឿន អភិបាល ស្រុកជីក្រែង បានអោយដឹងតាមទូស័ព្ទនៅព្រឹកថ្ងៃទី២ ខែឧសភា ឆ្មាំ២០២០នេះថាលោក ជាប់រវល់ប្រជុំ៕ ប៊ុនរិទ្ធី
