កំពង់ធំ ៖ រកឃើញក្រុមអ្នកបំផ្លាញព្រៃអង់តែនកំពុងឆ្លើយដាក់គ្នាពាក់ព័ន្ធនិងការកាប់រានទន្ទ្រានដីព្រៃយ៉ាងវិនាសកម្មដោយសារមានមេខ្លោងកេណ្ឌ និងជួលប្រជាពលរដ្នអោយចូលកាប់រាន់ដីព្រៃនៅ តំបន់អូរអន្ទ្រោកក្នុងព្រៃអង់តែនស្ថិតនៅក្នុងឃុំបឹងល្វា ស្រុកសន្ទុក ខេត្តកំពង់ធំ ដែលជាដែនដីគ្រប់គ្រង់របស់មន្ដ្រីបរិស្ថានខេត្តកំពងធំ។
យោងតាមប្រភពព័ត៏មានពីប្រជាពលរដ្នបានអោយដឹងថា ការកាប់រាន់ទន្ទ្រាន់យកដីព្រៃនៅចំនុចខាងលើរាប់សិបហិចតានេះ គឺពាក់ព័ន្ធនិងបុគ្គល៤នាក់ = ឈ្មោះ ចាន់, ឈ្មោះ អាន, ឈ្មោះ ហួន, ឈ្មោះ ម៉ៅ អ្នកទាំង៤មានដីព្រៃសរុប១០ហិចតា និងអ្នកពាក់ព័ន្ធផ្សេងទៀតកំពុងស្រាវជ្រាវ! អ្នកមានឈ្មោះខាងលើបានជួលពលរដ្នចូលទៅកាប់ទន្ទ្រានដីព្រៃនៅចំនុចខាងលើយ៉ាងវិនាសសកម្ម ។
ពាក់ព័ន្ធនិងការកាប់រានដីព្រៃខាងលើនេះ អ្នកស៊ីឈ្នួលកាប់រានព្រៃ ម្នាក់ឈ្មោះ ក្អូន បានរៀបរាប់ប្រាប់អ្នកសារព័ត៏មានថា លោកបានស៊ីឈ្នួលកាប់ព្រៃ អោយ លោក ចាន់ ក្នុង១ថ្ងៃ៣ម៉ឺនរៀល លោកបានបន្ដទៀតថាអ្នកទាំង៤នាក់ខាងលើនេះសុទ្ធតែជាបងប្អូនកូនក្មួយ សាច់ញាតិរបស់លោក (ចាន់)ទាំងអស់។ តែប្រភពច្បាស់ការមួយទៀតបានអោយដឹងថាអ្នកស៊ីឈ្នួលកាប់ព្រៃក្នុង១ហិចតា ១លានរៀល ដោយប្រើរណាយន្ដ និងកាបិត ពូថៅ។
ចំណែក លោក ចាន់ បានប្រាប់អ្នកសារព័ត៏មានតាមទូស័ព្ទថា លោកពុំមានពាក់ព័ន្ធទេ លោកពុំដែលកាប់ព្រៃឬមានដីនៅទីនោះទេ! ប៉ុន្ដែរលោកបានធ្លូយមាត់ថា ឈ្មោះ តាន់ ឈ្មោះ សាន ឈ្មោះ ក្អូន ជាអ្នកកាប់ព្រៃនិងឈ្មោះ ម៉ៅ បានកាប់យកដីព្រៃរបស់លោក។
លោក ម៉ុល វណ្ណា នាយរងសង្កាត់រដ្នបាលព្រៃឈើក្រយា ជាមន្ដ្រីអនុវត្តន៍គម្រោងរ៉េតបូក (កិច្ចសហប្រតិបត្តិការកម្ពុជាកូរ៉េ )បានអោយដឹងថា លោកបានដាក់កម្លាំងច្រើនសារហើយចេះតែបែកការដោយសារមានអ្នកចាំមើលផ្លូវ តែទោះយ៉ាងណាក៏លោកបានស៊ីបដឹងថាមានមេខ្លោង៤នាក់ដែលជាម្ចាស់ដីនៅក្បែរនោះ។
លោក លី ស្រេង នាយកដែនជម្រកសត្វព្រៃបានផ្ដល់បទសម្ភាសតាមទូស័ព្ទនៅព្រឹកថ្ងៃទី០១ ខែធ្នូ ឆ្នាំ២០២១ ថា លោកបានចាប់ខ្លួនអ្នកកាប់រានព្រៃបាន៤នាក់ហើយ តែនៅឡើយមេខ្លោងនៅពីក្រោយខ្នងមិនទាន់ចាប់បាន។
ប្រជាពលរដ្ន រួមទាំងអ្នកឃ្លាំមើលបទល្មើសព្រៃឈើ និងអង្គការក្រៅរដ្ឋាភិបាល ស្នើរអោយអាជ្ញាធរមានសមត្ថកិច្ច ក្រសួងបរិស្ថាន និងអង្គភាពប្រឆាំងអំពើពុករលួយ ជាពិសេស អាជ្ញាធរខេត្តកំពង់ធំ ចុះស៊ីបអង្គេតរឿងខាងលើនេះអោយបានដិតដល់ និងអនុវត្តន៍ច្បាប់អោយមានប្រសិទ្ធិភាព ជៀសវាងការកាប់រានទន្ទ្រាន់ដីព្រៃតទៅទៀត។
