សៀមរាប ៖ សត្វគោ ក្របី ផ្ទុះជំងឺ ឈឺ និងងាប់រាប់សិបក្បាលនៅក្នុងស្រុកជីក្រែង គ្មានមន្ដ្រីពេទ្យសត្វ ចុះពិនិត្យស្រាវជ្រាវ ឬចាក់ថ្នាំការពារនៅឡើយ បច្ចុប្បន្ន គោ ក្របី ជាច្រើនបានកើតជំងឺដុំពកខ្មៅលើស្បែកនិងមានដំបៅធំៗកំពុងរីករាលដាលជាច្រើនភូមិស្ទើរតែពាសពេញស្រុកជីក្រែង រហូតមានងាប់ត្រូវបានពលរដ្នកាប់យកសាច់ទៅធ្វើម្ហូបអាហារ និងយកទៅលក់នៅទីផ្សារដោយគ្មានពេទ្យសត្វពិនិត្យសុខភាពត្រឹមត្រូវនោះទេ ជាហេតុធ្វើអោយមានការព្រួយបារម្ភរឿងសុខភាពសាធារណះ ក្រែងលរអាចឆ្លងរាលដាលដល់មនុស្សថែមទៀត ។
ជាក់ស្ដែងកាលពីព្រឹកថ្ងៃទី១៩ ខែ សីហា ឆ្នាំ២០២១ អង្គភាពសារព័ត៏មាន រិទ្ធីដាវដែក ពិតជាបានទទួលព័ត៏មានយ៉ាងច្បាស់ថា មានសត្វគោ ក្របី រាប់សិបក្បាលកំពុងតែកើតមានជំងឺដំបៅ ដុំពកលើស្បែក រហូតដល់មានគោ ក្របីងាប់ ជាបន្ដបន្ទាប់នៅក្នុងភូមិឃុំមួយចំនួនក្នុងស្រុកជីក្រែង។
យោងតាមសេចក្ដីរាយការណ៍ពីអ្នកឃ្លាំមើលក្នុងមូលដ្ឋាន បានអោយដឹងថា នៅក្នុងឃុំទាំង១២នៃស្រុកជីក្រែង ក្នុងនោះ៤ឃុំ ដែលកំពុងរាតត្បាតខ្លាំងជាងគេ គឺ ឃុំពង្រលើ ឃុំពង្រក្រោម ឃុំគោកធ្លោកលើ ឃុំគោកធ្លោកក្រោម ! ប៉ុន្ដែរភូមិចំនួនដែលកំពុងរាតដាលជំងឺនេះមាន ភូមិសប់ប្រម៉ួង ភូមិព្រៃឆ្កា ភូមិចេក ភូមិក្បាលដំរី ភូមិត្រពាំងភ្លោះ ភូមិគោកធ្លោក ភូមិព្រែកធំ ភូមិទឹកភ្ញា ភូមិខ្លាឃ្មុំ ភូមិបាតត ភូមិពង្រ ភូមិគំរូ ក្នុងស្រុកជីក្រែង ខេត្តសៀមរាប និងមានភូមិផ្សេងទៀតដែលកំពុងតែឆ្លងជាបន្ដបន្ទាប់ ដោយមិនទាន់ឃើញមានមន្ដ្រីពេទ្យសត្វ ឬមន្ដ្រីមន្ទីរកសិកម្មខេត្តសៀមរាបចុះប្រត្តិបត្តិការចាក់ វ៉ាកសាំង ការពារជំងឺ គោ ក្របី ជូនពលរដ្ននៅឡើយ ទោះបីពលរដ្នទទឹមចាំមើលរាប់ខែមកហើយក៏ដោយ?។
តាមការលើកឡើង របស់អ្នកសារព័ត៏មានដែលបានឃ្លាំមើលជំងឺឆ្លងនេះ បានសំណូមពរ កុំអោយពលរដ្នយកសត្វឈឺងាប់នេះទៅធ្វើម្ហូបព្រោះអាចឆ្លងមកមនុស្សផងដែរ គួរបាញថ្នាំសំលាប់មេរោគ រួចកប់ចោលអោយបានជិតដិតនិងមានសុវត្ថិភាព។ និងម្យ៉ាងទៀតសុំកុំអោយពលរដ្នយកសាច់ គោក្របី ងាប់យកទៅលក់នៅទីផ្សារដែលធ្វើអោយប៉ះពាលសុខភាពសាធារណះ ជាដើម ។ល។
ពាក់ព័ន្ធនិងករណីផ្ទុះជំងឺដុំពកខ្មៅ និងដំបៅ ខាងលើនេះ លោក ព្រំវិច ប្រធានការិយាល័យផលិតកម្មសត្វនិងបសុព្យាបាលខេត្តសៀមរាប មិនបានបកស្រាយជុំវិញការសម្ភាសរបស់អ្នកសារព័ត័មានទេ គ្រាន់បញ្ចេញឈ្មោះជងឺ ដោយប្រាប់ពីរបៀបព្យាបាល និងការពារប៉ុណ្ណោះមិនបានបកស្រាយពីរការចុះបាញថ្នាំការពារ ឬចាក់វ៉ាសាំងការពារនិងព្យាបាលជម្ងឺក្នុងពេលណានោះទេ។
= ជម្ងឺLSD
-ក្នុងករណីធម្មតាអាចប្រើ Para និង Dexa
-ករណីមានហើម/ស្រុង (Oedema) អាចបណ្តាលមកពីការខ្វះប្រូតេអុីនក្នុងឈាម ត្រូវបំប៉នចំណី ឬសេរ៉ូម និងADE ក៏អាចប្រើ។
-ករណីមានដំបៅអាចប្រើ ពួក Antibiotics,និងលាប Methylene blue +Negasunt powder,
-សូមលាងទឹកសត្វឲ្យបានញឹកញ៉ាប់ និងបាញ់ថ្នាំសម្លាប់មេរោគ បរិវេណក្រោល២ដង/សប្តាហ៏។#សូមការពារសត្វល្អិតបឺតឈាម មូស របោម…។
ពលរដ្ន ស្នើរសុំអោយលោក ទា គឹមសុទ្ធ ប្រធានមន្ទីរកសិកម្មចុះពិនិត្យទៅដល់មូលដ្ឋានដោយផ្ទាល់ និងមានវិធានការការពារនិងព្យាបាលអោយមានប្រសិទ្ធិភាព កុំអោយពលរដ្នរឹះគន់ថាជាមន្ដ្រីជើង១០ អង្គុយតែក្នុងមន្ទីរមិនព្រមចេញទៅមើលសកម្មភាពការងារមន្ដ្រីក្រោមឪវាទ ហើយចាំទទួលតែរបាយការណ៍ភូតភរកុំហកពីមន្ដ្រីគ្រាប់ល្ពៅ៕ ព័ត៏មាន បឋម
