ខេត្តកំពង់ធំ៖ ប្រជាពលរដ្ននិងមន្ដ្រីរាជការក្នុងស្រុកស្ទោងបានរឹះគន់អាជ្ញាធរស្រុកស្ទោងនិងប្រធានការិយាល័យភូមិបាលស្រុកស្ទោង ថាបានឃុបឃិតគ្នាប្រព្រឹត្តអំពើពុករលួយស៊ីសំណូកក្រោមតុ បណ្ដោយអោយកើតមានសំណង់អាណាធិបតេយ្យ សាងសងលើដីចំណីផ្លូវសាធារណះជាហូរហែរ ទោះបីរមន្ទីរសុរិយោដីនិងសំណង់ខេត្តបានអះអាងថាបានចុះផ្អាកហើយក៏ដោយក៏ម្ចាស់សំណង់នៅតែបើកការដ្ឋានសាងសង់ដោយឥតញញើតច្បាប់ដដែល។
ជាក់ស្តែងនៅរសៀលថ្ងៃទី២៣ ខែកក្កដាឆ្នាំ២០២១ សំណង់អាគារចំនួន២កន្លែងកំពុងសាងសងយ៉ាងរលូនមិនមានការផ្អាកនោះទេ កន្លែងទី១នៅទីប្រជុំជនជិតបេនឡាន បានសាងសង់អាគារ៤ល្វែង៣ជាន់ ជាកម្មសិទ្ធរបស់អ្នកស្រី តឹង តន់ និងនាង ជិម ណារ៉ុម ស្ថិតនៅភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ និងទី២ ស្ថិតនៅក្បែរស្ទឹងស្ទោងប្រហែល៣០ម៉ែត្រ ដោយសំណង់ទាំងនេះសុទ្ធសឹងតែសាងសង់ដោយគ្មានច្បាប់អនុញ្ញាត និងពុំមានប្លង់កម្មសិទ្ធនោះឡើយ ។
ជាក់ស្ដែងសំណងទាំងនេះស្ថិតនៅលើដីចំណីផ្លូវជាតិលេខ០៦ ដែលកំណត់ដោយមាត្រាច្បាប់ ដោយវាស់ពីអ័ក្សផ្លូវម្ខាង៣០ម៉ែត្រ តែច្បាប់បានអនុឡោឲ្យអ្នកដែលរស់នៅលើផ្លូវពីមុនមកហាមបន្តការសាងសង់បន្ថែម ។ប៉ុន្ដែរសំណង់ផ្ទះល្វែង៤ល្វែង ៣ជាន់របស់លោកស្រី តឹង តន់ និងនាង ជិម ណារ៉ុម បានដំណើរការសាងសង់ជាធម្មតា បើទោះបីជាមានក្រុមការងារថ្នាក់ខេត្តចុះមកផ្អាកការសាងសង់បណ្តោះអាសន្នក៏ដោយ បើយោងតាមរបាយការណ៍ របស់មន្ទីរសុរិយោដីខេត្តបានសរសេរសំណេះដូចខាងក្រោម =តំបន់ទីប្រជុំជនបានចុះបញ្ចីជាលក្ខណៈប្រព័ន្ធដោយទុកផ្លូវជាតិលេខ០៦ ទំហំ៦០ម៉ែត្រសាងខាងផ្លូវ ម្ចាស់សំណង់ពុំមានវិញ្ញាប័ន្តបត្រសម្គាល់ម្ចាស់អចលនាវត្ថុឡើយ ការចុះពិនិត្យជាក់ស្តែង មន្ដ្រីជំនាញបានធ្វើរបាយការណ៍ជូន ឯកឧត្តម សុខ លូ អភិបាលខេត្តកំពង់ធំរួចហើយ គណះកម្មាការរៀបចំដែនដី សម្រេចផ្អាកការសាងសង់ជាបណ្តោះអាសន្ន នៅថ្ងៃទី ២៨ ខែមិថុនា ឆ្នាំ ២០២១ ។
សូមបញ្ជាក់ថា រហូតមកដល់ពេលនេះ សំណង់ផ្ទះល្វែង របស់លោកស្រី តឹង តន់ និងនាង ជិម ណារ៉ុម នៅតែដំណើរការសាងសង់ដដែល លោក អ៊ឹម សុឌីណា ប្រធានមន្ទីរសូរិយោដី និងសំណង់ខេត្តកំពង់ធំ បានឆ្លើយតបតាមប្រព័ន្ឋតេក្រាមថា ( មន្ទីរបានចុះទៅពិនិត្យ និងផ្អាកការសាងសង់នេះជាបណ្តោះអាសន្ន និងបានរបាយការណ៏ជូនទៅឯកឧត្តមអភិបាលខេត្ត រួចរាល់ហើយ តែបើសកម្មភាពការសាងសង់នេះនៅតែបន្ត មន្ទីរនិងចាត់ក្រុមការងារដោយសហការណ៏ជាមួយរដ្ឋបាលខេត្តចុះទៅពិនិត្យថែមទៀត )។
មហាជនបានកំពុងតែរងចាំមើលថា តើអាជ្ញាធរ និងសមត្ថកិច្ចជំនាញអាចមានលទ្ធភាពគ្រប់គ្រាន់ដែរឬទេ ក្នុងការទប់ស្កាត់ការសាងសង់សំណងទាំង២កន្លែងនេះ ព្រោះឥលូវបំរាមការសាងសង់របស់ជំនាញសាបដូចទឹកទន្លេមេគង្គ (ឆ្មាចេះតែដេក កណ្តុរពាំចំណី) ជាពិសេសការអនុវត្តច្បាប់របស់មន្ដ្រីជំនាញកាន់តែចុះខ្សោយគ្មានប្រសិទ្ធភាពឡើយដោយសារអ្នកតាធំបាំងមុខ៕
