នៅព្រឹកថ្ងែទី១៥ ខែ មេសាឆ្នាំ២០២១នេះ រដ្ឋបាលខេត្តសៀមរាប បានចុះធ្វើការអប់រំផ្សព្វផ្សាយដល់អាជីវករនៅក្នុងផ្សារលើធំថ្មី រួមទាំងប្រជាពលរដ្ឋពាក់ម៉ាស់ឲ្យបានគ្រប់ៗគ្នា។ ក្នុងកិច្ចប្រតិបត្តិការនេះក្រោមការដឹកនាំរបស់ឯកឧត្តម ពិន ប្រាកដ អភិបាលរងនៃគណៈអភិបាលខេត្តសៀមរាប រួមជាមួយមន្ត្រីជំនាញមន្ទីរសុខាភិបាលខេត្ត កងកម្លាំងសមត្ថកិច្ចផងដែរ ។
ក្នុងឱកាសនោះ ឯកឧត្តម ពិន ប្រាកដ បានមានប្រសាសន៍ ធ្វើការនាំដល់ប្រជាពលរដ្ឋដែលចេញ.ចូលផ្សារ និង តាមទីប្រជុំជន គឺត្រូវឲ្យពាក់ម៉ាស់បានគ្រប់ៗគ្នា កាលណាបងប្អូនមិនចូលរួមប្រើម៉ាស់នោះទេ បើប្រសិនជាមានការឆ្លងនោះ នឹងត្រូវបិទផ្សារនេះតែម្តង ។ ក្នុងការចុះមកផ្ទាល់ យើងក៏សង្កេតឃើញថា ប្រជាពលរដ្ឋមានការភ្ញាក់រលឹក ម្ចាស់ខ្លួន ឯង ដោយបានពាក់ម៉ាស់សឹងតែ៩៥ភាគរយ អ្នកខ្លះការប្រើម៉ាស់បានត្រឹមត្រូវ និងអ្នកខ្លះទៀតនៅមិនទាន់បានត្រឹមត្រូវ ក្នុងនោះឯកឧត្តមបញ្ជាក់ថា គណៈកម្មការនូវមិនទាន់អនុវត្តវិធានការ ក្នុងការផាកពិន័យនូវឡើយទេ គឺគ្រាន់តែចុះមកអប់រំណែនាំបងប្អូនជាបន្តបន្ទាប់ទៀត ។
សូមបញ្ជាក់ថា ផ្សារចំនួនបី មានផ្សារលើធំថ្មី , ផ្សារសាមគ្គី និង ផ្សារទំនើបអង្គរ ហើយថ្ងៃបន្តក្រុមការងារ និង ចុះអប់រំនៅតាមផ្សារមួយចំនួនទៀត ដោយបែងចែក ក្រុមការងារតាមការកំណត់ទុក ។
ឯកឧត្តម ក៏បានអំពាវនាវឲ្យបងប្អូនប្រជាពលរដ្ឋបន្តអនុវត្តឲ្យបានខ្ជាប់ខ្ជួន និងកុំមើលស្រាលលើជម្ងឺដ៏កាចសាហាវនេះ ដោយអនុវត្តវិធានការរបស់ប្រមុខរាជរដ្ឋាភិបាល ៣កុំ-កុំនៅបន្ទប់បិទជិត-កុំនៅកន្លែងកុះករ-កុំប៉ះពាល់គ្នា និង ៣ការពារ-ត្រូវពាក់ម៉ាស់-ត្រូវលាងដៃ-ត្រូវរក្សាគម្លាតបុគ្គល ។
សូមបញ្ជាក់ផងដែរថា រដ្ឋបាលខេត្តបានរៀបចំគោលដៅក្រុមការងារចុះអប់រំ ណែនាំ មានចំនួន៣ក្រុម ដោយក្រុមទី១ ចុះគោលដៅ នៅ ផ្សារដើមក្រឡាញ់ , ផ្សារទល់មុខវត្តព្រះឥន្ទកោសា , ផ្សារវត្តពោធិលង្កា , ក្រុមទី២ ,ផ្សារកន្ត្រក ,ផ្សារពោធិក្រោម ,ផ្សារ ភ្នំក្រោម និង ក្រុមទី៣ ,ផ្សារចាស់ ,ផ្សារ ខ្នារ និង ផ្សារស្វាយធំ ៕
