ខេត្តកំពង់ធំ៖ ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាន អគ្គលេខាធិការសមាគមអតីតយុទ្ធជនកម្ពុជា អមដំណើរដោយ ឯកឧត្តម សុខ លូ អភិបាលខេត្តកំពង់ធំ ប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ធំ និងឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ ព្រមទាំងប្រតិភូរួមដំណើរ ក្នុងបេសកម្មចុះពិនិត្យទីតាំងដី ដែលត្រៀមបង្កើតជាភូមិលំនៅដ្ឋាន ជូនដល់បងប្អូនអតីតយុទ្ធជន និងអតីតយុទ្ធជនពិការ ដែលមានជីវភាពលំបាកខ្វះខាត នៅព្រឹកថ្ងៃទី១៩ ខែកុម្ភះ ឆ្នាំ ២០២១ ។
ទីតាំងដីដែលត្រៀមបង្កើតភូមិគឺមានទីតាំងនៅឃុំគ្រយា ស្រុកសន្ទុក ខេត្តកំពង់ធំ ដីសម្បទានសង្គមកិច្ចនេះ គឺសម្រាប់ចែកជូនដល់អតីតយុទ្ធជន ដែលមានជីវភាពលំបាកខ្វះខាតពិតៗ និងទទួលបានផ្ទះមួយខ្នងនិងដីមួយហិចតាកន្លះ ដែលជាអំណោយដ៏ថ្លៃថ្លាសម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា ចំនែកប្រជាពលរដ្ឋដែលមានប័ណ្ណក្រី ដោយឆ្លងកាត់ការពិនិត្យនិងសម្ភាសពីគណៈកម្មការរៀបចំដីសម្បទានសង្គមកិច្ច និងពិចារណាតាមការជាក់ស្តែង ។
នាយឧត្តមសេនីយ៍ គន់ គីម បានមានប្រសាសន៍ថា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានយកចិត្តទុកដាក់ខ្ពស់ ចំពោះជីវភាពរស់នៅ របស់ក្រុមគ្រួសារអតីតយុទ្ធជន ដែលបានផ្តល់ថវិកាសម្រាប់សាងសង់ផ្លូវដែលមានចម្ងាយ១២គីឡូម៉ែត្រ សម្រាប់បង្កើតផ្លូវក្នុងហេដ្ឋារចនាសម្ព័ន្ឋ ក្នុងភូមិតេជោហ៊ុនសែនគ្រយា ក្នុងនោះមានអណ្តូងទឹកមួយកន្លែងសម្រាប់ប្រើ៥ផ្ទះ រួមទាំងផ្ទះចំនួន១៥៦ខ្នងផ្ទះដែលជាអំណោយដ៏ថ្លៃថ្លាសម្តេចតេជោហ៊ុនសែន និងសម្តេចកិត្តិព្រឹត្តបណ្ឌិត។
ឧត្តមសេនីយ៍ទោ សោម ស៊ុន ប្រធានគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ បានឲ្យដឹងថា ភូមិអតីតយុទ្ធជននេះ និងបានសាងសង់ក្នុងពេលដ៏ឆាប់ៗមុខនេះ តាមរយះនាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា និងឯកឧត្តម សុខ លូ ប្រធានកិត្តិយសសមាគមអតីតយុទ្ធជនកម្ពុជាខេត្តកំពង់ធំ គណកម្មការរៀបចំដីសម្បទានសង្គមកិច្ច បានរៀបចំហេដ្ឋារចនាសម្ព័ន្ឋភូមិ ឲ្យមានលូប្រព័ន្ឋទឹក ផ្លូវមេ៨ម៉ែត្រ ផ្លូវតាមផ្ទះដីឡូត៍៦ម៉ែត្រ មានទឹក មានភ្លើង មានប៉ុស្តិ៍ការពារសុវត្តិភាព មានផ្សារ សាលារៀន មន្ទីរពេទ្យ វត្តអារាម សម្រាប់សម្រួលភាពងាយស្រួលដល់បងប្អូនអតីតយុទ្ធជន ។
ឯកឧត្តម នាយឧត្តមសេនីយ៍ គន់ គីម បានមានប្រសាសន៍ថា សម្រាប់បងប្អូនអតីតយុទ្ធជន ឬប្រជាពលរដ្ឋដែលមានប័ណ្ណក្រីក្រ និងសម្រាប់តែអ្នករស់នៅក្នុងមូលដ្ឋាន ត្រូវដាក់ពាក្យស្នើរសុំពីគណៈកម្មការរៀបចំដីសម្បទានសង្គមកិច្ចដើម្បីពិចារណា ចំណែកអ្នកមកចាប់ដីយកក្នុងបរិវេណដីសម្បទានសង្គមកិច្ច និងត្រូវដកហូតមកជូនរដ្ឋវិញ ដើម្បីបង្វែរជូនអតីតយុទ្ធជន ចំណែកអ្នកដើចាប់ដី ដើរចង្អុលដី និងឈ្មួញមកលួចឈូសឆាយដី និងអ្នកបង្កើតក្រុមតវ៉ាដោយអាណាធិបតេយ្យ និងត្រូវចាត់វិធានការតាមផ្លូវច្បាប់ ដោយមិនមានការលើកលែង។
