កំពង់ធំ៖ នៅថ្ងៃទី២៨ ខែមករា ឆ្នាំ២០២១ មានករណីអគ្គីភ័យឆាបឆេះផ្ទះនិងចំការក្រញូង បង្កការភ្ញាក់ផ្អើលយ៉ាងខ្លាំងនៅខេត្តកំពង់ធំ។
ករណីទី១ ឆេះជញ្ជ្រាំងស្រូវ នៅវេលាម៉ោង១៩:៣០នាទីស្ថិតនៅចំណុចភូមិឈូកខ្សាច់ ឃុំឈូកខ្សាច់ ស្រុកបារាយណ៍បង្កឡើងដោយ ប្រជាពលរដ្ឋមិនស្គាល់អត្តសញ្ញាណដុត ក្នុងហេតុការណ៍សមត្ថកិច្ច នគរបាល នៃអធិការដ្ឋាននគរបាលស្រុកបារាយណ៍បានឲ្យដឹងថា បានប្រើប្រាស់ រថយន្តអគ្គិភ័យរបស់អធិការ ដ្ឋាននគរបាលស្រុកបារាយណ៍បានចេញអន្តារគមន៍ចំនួន០១គ្រឿងប្រើប្រាស់ទឹកសរុបចំនួន២៦ម៉ែត្រ គូប ប្រើប្រាស់កម្លាំងចុះអន្តរាគមន៍ពន្លត់សរុបចំនួន ១០នាក់ និងប្រជាករពារនិងប្រជាពលរដ្ឋសរុបចំនួន ១៥នាក់។
ករណីទី២ អគ្គិភ័យឆេះផ្ទះប្រជាពលរដ្ឋនៅវេលាម៉ោង១៤:៣០នាទីស្ថិតនៅចំណុចភូមិតាមុំ ឃុំដូង ស្រុកប្រាសាទបល្ល័ង្ក ខេត្តកកំពង់ធំសមត្ថកិច្ចនគរបាលស្រុកប្រាសាទបល្ល័ង្កបានឲ្យដឹងថា ម្ចាស់ផ្ទះដែលត្រូវអគ្គីភ័យឆាបឆេះ ឈ្មោះ នូ ភ័ក្ត ភេទប្រុស អាយុ ៣៨ឆ្នាំ ប្រពន្ធឈ្មោះញូវ កិច អាយុ ៣៧ឆ្នាំ ករណីនេះខូចខាត ផ្ទះទំហំ ៦មx ៧ម ធ្វើអំពីឈើ ប្រក់ស័ង្កសី ជញ្ជាំងក្តានិងស្លឹកត្នោត និងសម្ភារៈប្រើប្រាស់ក្នុងផ្ទះទាំងអស់។ មូលហេតុបណ្តាលមកពីធ្វេសប្រហែសដុតភ្លើងធូប។
ករណីទី៣ អគ្គិភ័យឆេះចំការក្រញូងរដ្ឋបាលព្រៃឈើ នៅវេលាម៉ោង២០:០០នាទី ស្ថិតនៅចំណុចភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ។ ក្នុងហេតុការណ៍នេះបណ្ដាលឲ្យខូចខាត:ឆេះក្រញូងអស់ចំនួន០៤ហិចតា។ ពេលកើតហេតុកម្លាំងចុះអន្តរាគមន៍ពន្លត់សរុបចំនួន១៥នាក់ដោយប្រើប្រាស់ឧបករណ៍សាមញ្ញពន្លត់ដោយដៃប្រើមែកឈើវាយពន្លត់និងត្រាក់ទ័រភ្ជួរកាត់រលត់ទាំងស្រុង៕
