កំពង់ធំ ៖ រថយន្ដ(ដឹកអុស) របស់ក្រុមហ៊ុនឯកជនមួយ នៅក្នុងស្រុកសណ្ដាន់ បានក្រឡាប់ផ្ងារជើងហើយផ្ទុះឆេះមួយកំណាត់ខាងមុខ នៅលើកំណាត់ផ្លូវគ្រួសក្រហម ត្រង់ចំនុចផ្លូវទួលខ្ពស់ កាលពីយប់វេលាម៉ោង៨:៣៥នាទីថ្ងៃទី២៥ ខែធ្នូ ឆ្មាំ២០២០ ក្នុងភូមិបឹង ឃុំមានរិទ្ធ ស្រុកសណ្ដាន់ ខេត្តកំពង់ធំ។
បើតាមការបកស្រាយរបស់មេការ បានប្រាប់អោយដឹងថា មូលហេតុដែលបណ្ដាលអោយរថយន្ដនេះក្រឡាប់ គឺបណ្ដាលមកពីរថយន្ដ(ដឹកអុស)ធ្ងន់ពេកឡើងផ្លូវទួលមិនរួច អកសឺ រអិលថយក្រោយក្រឡាប់ផ្ងារជើងផ្ទុះចេញអណ្ដាតភ្លើងតែម្ដង ។
លោកបានបន្ដថា ក្នុងខណះនោះ តៃកុងរថយន្ដនិងប្រូ ចំនួន៣នាក់ បើចេះគ្រប់គ្រងស្ថានការ វាមិនអាចឈានដល់ការឆេះរថយន្ដនោះទេ តែផ្ទុយទៅវិញក្រោយពីកើតហេតុ តៃកុងនិងប្រូចំនួន២នាក់បានរត់ចោលរថយន្ដនៅសល់តែម្នាក់ លេលឺៗ មិនដឹងរត់ទៅណាទើបបណ្ដាលអោយឆេះរថយន្តអស់១កំណាត់មុខ។
ក្រោយកើតហេតុ លោក អ៊ួង ម៉ាលី អធិការស្រុកសណ្ដាន់ បានបញ្ចូនកម្លាំងចំនួន១០នាក់ និងរថយន្ដពន្លត់អគ្គិភ័យមួយគ្រឿងជួយអន្តរគមន៍ពន្លត់ ដោយប្រើប្រាស់ទឹកអស់៣ស៊ីតែន និងសហការជាមួយកម្លាំងប្រជាពលរដ្នជូយពន្លត់ផងទើបអាចគ្រប់គ្រងស្ថានការបានជាស្ថាពរនូវវេលាម៉ោង១០ និង១៥នាទីយប់ ៕
