ភ្នំពេញ ៖ លោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅព្រឹកថ្ងៃអង្គារ ១កើត ខែចេត្រឆ្នាំកុរឯកស័កពុទ្ធសករាជ២៥៦៣ ត្រូវនឹងថ្ងៃទី២៤ ខែមីនាឆ្នាំ២០២០ វេលាម៉ោង ៨៖៣០នាទី បានអញ្ជើញជាអធិបតីភាព ក្នុងកិច្ចប្រជុំគណៈអភិបាលប្រចាំខែមីនា និងទិសដៅការងារបន្ត ខែមេសាឆ្នាំ២០២០ ដោយមានការអញ្ជើញចូលរួមពី លោក លោកស្រីអភិបាលរង លោកគណៈនាយករដ្ឋបាល លោកប្រធានការិយាល័យទាំង១១ លោកស្រីចៅសង្កាត់ទាំង១១ និងលោកស្រីប្រធានទីរួមផ្សារទាំង៣ ដែលមានរបៀបវារៈសំខាន់ៗ ដូចខាងក្រោម:
១-របៀបវិរៈទី១គឺផ្តោតលើកិច្ចការសំខាន់ៗចំនួន៣ ទី១ ការងារផ្សព្វផ្សាយនូវវីធានការការរីរាលដាលជំងឺឆ្លងកូវីត១៩សង្កាត់ទាំង១១ផ្សាយទាំង៣នៅមូលដ្ឋានអាជីវកម្មពាក់ព័ន្ធនិងវិស័យទេសចរណ៍ ទី២បញ្ហាបង្ការនិងបង្ក្រាបគ្រឿង ទី៣ការថែរក្សាសន្តិសុខសុវត្ថិភាពសង្គមពាក់ព័ន្ធនិងការទុបស្កាត់បទល្មើសព្រហ្មទណ្ឌដូចជាអំពើរលួចឆក់ប្លន់នៅក្នុងមូលដ្ឋានដោយហេតុថាផ្លូវទូលាយល្អងាយស្រួលពួកឪកាសនិយមធ្វើសកម្មភាពបទល្មើសព្រហ្មទណ្ឌដូច្នេះត្រូវបង្កើនកម្លាំងការពារគោលដៅដែលងាយនិងរងគ្រោះ។
២-ការផ្សព្វផ្សាយការបង្កលក្ខណៈងាយស្រួលក្នុងការប្រើប្រាស់ទឹកស្អាត និងអនាម័យប្រកបដោយបរិយាបន្នដល់ខណ្ឌ និងវិស័យឯកជនក្នុងរាជធានីភ្នំពេញ ។
៣-ឆ្លងសេចក្តីព្រាងសេចក្តីសម្រេចកែសម្រួលសមាសភាពក្រុមការងារកសាងផែនការរបស់រដ្ឋបាលខណ្ឌ ។
៤-ឆ្លងសេចក្តីព្រាងសេចក្តីសម្រេច ស្តីពីការកែសម្រួលសមាសភាពគណៈកម្មាធិការទាំង៣ របស់ក្រុមប្រឹក្សាខណ្ឌ ។
៥-ពិនិត្យ និងឆ្លងរបាយការណ៍ប្រចាំខែមីនា និងទិសដៅបន្តប្រចាំខែមេសា ឆ្នាំ២០២០ របស់រដ្ឋបាលខណ្ឌដូនពេញ ។
៦-ពិនិត្យ និងឆ្លងរបាយការណ៍ប្រចាំត្រីមាសទី១ ឆ្នាំ២០២០ របស់រដ្ឋបាលខណ្ឌដូនពេញ ។
៧-ឆ្លងសេចក្តីព្រាងតារាងបែងចែកប្រាក់រង្វាន់លើកទឹកចិត្តដល់មន្ត្រីរាជការប្រចាំខែមីនា ឆ្នាំ២០២០ ។
៨-ការងារផ្សេងៗ ៕
