សៀមរាប ៖ ពលរដ្ឋមួយចំនួនដែលធ្វើការបើកបរដឹកទំនិញបានឲ្យដឹងថា ស្ថានីយជញ្ជីងស្រុកពួក ថ្លឹង២៩តោន៥០០គីឡូ មកដល់ស្ថានីយជញ្ជីងស្រុកប្រាសាទបាគងឡើង៣០តោន២៥គីឡូ អ្នកបើកបររអ៊ូរទាំថាមានភាពមិនប្រក្រតីណាមួយកើតឡើងនៅស្ថានីយថ្លឹងរថយន្តស្រុកប្រាសាទបាគង ថ្លឹងឡានយកលុយតាមរបៀបអំពើពុករលួយដែលមានទីតាំងស្ថិតក្នុងភូមិអូរអញ្ចៀន ឃុំរលួស ស្រុកប្រាសាទបាគង ខេត្តសៀមរាប ។
ថ្មីៗនេះមានប្រជាពលរដ្ឋដឹកស្រូវ បានត្អូញត្អែងថាស្ថានីយថ្លឹងរថយន្តនៅស្រុកពួក ថ្លឹងរថយន្តដឹកស្រូវរបស់គាត់បាន ២៩តោន៥០០ គីឡូ ចុះហេតុអ្វីបានមកនៅស្រុកប្រាសាទបាគង ថ្លឹងលើស រហូតដល់៣០ តោន ២៥គីឡូ ? ជាក់ស្ដែងកាលពីយប់ថ្ងៃទី១៩ ខែសីហា ឆ្នាំ២០២០ មានរថយន្តផ្ទុកលើសទម្ងន់ជាច្រើនគ្រឿងបានឆ្លងកាត់ស្ថានីយ៍ជញ្ជីងដែលមានទីតាំងស្ថិតក្នុងភូមិឃុំខាងលើបានដឹកដោយរលូន លើកលែងតែរថយន្តដឹកស្រូវដែលមានផ្លាកលេខព្រះសីហនុ 3A- 6277 បែរជាឃាត់ហើយថ្លឹងរថយន្ដបែរជាលើសទម្ងន់ដោយគ្មានមូលហេតុ។
បើតាមប្រភពពីអ្នកបើកបររថយន្តជាច្រើនគ្រឿងបានឱ្យដឹងដែរថាពួកគាត់បានបង់ឲ្យមន្ត្រីស្ថានីយជញ្ជីងឡានមួយគ្រឿង( ដប់ម៉ឺនរៀល)ជាការកំណត់បើពុំដូច្នោះទេនិងមានការបង្ក្រាបភ្លាមនិងអ្នកបើករថយន្តជាច្រើនទៀតបានអះអាងថាថៅកែរបស់ខ្លួនបានបង់ជាប្រចាំខែរួចទៅហើយកត្តាទាំងនេះហើយដែលបណ្ដាលឱ្យពួកគេបើកឆ្លងកាត់បានដោយពុំបាច់ចូលថ្លឹងក្នុងស្ថានីយ៍នោះឡើយ។
លោកស៊ុន ចាន់ថុល រដ្នមន្ដ្រីក្រសួងសារធារណះការនិងនឹកជញ្ចូនក៏ដូចជាលោក គី រីរិន្ន ប្រធានមន្ទីសាធរណការដឹកជញ្ជូនខេត្តសៀមរាប មិនគួររក្សាភាពស្ងៀមស្ងាត់ពុំមានចំណាត់ការអ្វីទាល់តែសោះគួរតែចុះស្រាវជ្រាវស៊ើបអង្កេតជាបន្ទាន់ខណៈជុំវិញការរិះគន់យ៉ាងខ្លាំងទៅលើមន្ត្រីគ្រប់គ្រងស្ថានីយ៍ជញ្ជីងស្រុកប្រាសាទបាគងនិងម្យ៉ាងទៀតសូមឯកឧត្តមកុំជឿតែរបាយការណ៍ភូតកុហករបស់មន្ត្រីថ្នាក់ក្រោម។ព្រោះផ្លូវថ្នល់ជាច្រើនខ្សែក្នុងខេត្តសៀមរាបបន្តការខូចខាតព្រោះតែការបណ្ដែតបណ្ដោយអោយក្រុមមន្ត្រីទាំងនោះធ្វើការប្រមូលយកប្រាក់ពីរថយន្តផ្ទុកលើសទម្ងន់យ៉ាងអនាធិបតេយ្យបំផុត។
មហាជនបានរឹះគន់ថា ទាំងមន្ដ្រីគ្រប់គ្រង់ជញ្ចីង និងក្រុមអ្នកដឹកជញ្ចូនទំនិញកំពុងផ្សំគំនិតបែរអំពើពុករលួយធ្វើអាជីវកម្មបានយ៉ាងរលូនក្នុងពេលបច្ចុប្បន្ននេះ មិនយូរទេផ្លូវ ថ្នល់ ស្ពានទាំងឡាយ មុខតែនិងរលាយខូចខាតមុនកាលកំណត់ជាមិនខាត ! អាណិតតែពលរដ្នដែលខំបង់ពន្ធជូនរាជរដ្នាភិបាលយកលុយមកធ្វើផ្លូវធ្វើថ្នល់ បែរជាក្រុមមន្ដ្រីនិងក្រុមឈ្មួញ១ក្ដាប់តូចប្រព្រឹត្តអំពើពុករលួយ គិតតែប្រយោជន៍ផ្ទាល់ខ្លួន បំផ្លិចបំផ្លាញទ្រព្យសម្បត្តិសារធារណះ ពលរដ្នសំណូមពរអោយគ្រប់ស្ថានប័ណ្ណ ពាក់ព័ន្ធ ជាពិសេស លោកស៊ុន ចាន់ថុល រដ្នមន្ដ្រីក្រសួងសារធារណះការនិងនឹកជញ្ចូនចាត់វិធានមន្ដ្រីគ្រប់គ្រងជញ្ចីងក្នុងខេត្តសៀមរាប អោយបានម៉ឹងម៉ាត់និងមានប្រសិទ្ធិភាពបំផុត៕
