កំពង់ធំ÷ នៅយប់ថ្ងៃទី១៦ ខែមិថុនា ឆ្នាំ២០២០ វេលាម៉ោងប្រមាណ ១១ អាទ្រាធ កំលាំងកងរាជអាវុធហត្ថស្រុកស្ទោង សហការជាមួយកងរាជអាវុធហត្ថខេត្តកំពង់ធំ ដឹកនាំដោយលោកវរសេនីយ៍ទោ ឃុន ប៊ុនហូរ មេបញ្ជាការរងកងរាជអាវុធហត្ថខេត្តកំពង់ធំ ទទួលផែនស្រាវជ្រាវព័ត៌មានសន្តិសុខ និងបង្ក្រាបធនធានធម្មជាតិ
ជាក់ស្ដែងកាលពី យប់ថ្ងៃទី១៦ ខែមិថុនាឆ្នាំ២០២០ កម្លាំងកងរាជអាវុធហត្ថស្រុកស្ទោង ឃាត់រថយន្តម៉ាក ford ព័ណ៌ ត្រេអុី ពាក់ស្លាក់លេខ ខេមរភូមិន្ទ02 2_8852 បានដឹកបទល្មើសប្រភេទឈើគគី ចេញពី ខេត្តសៀមរាប លុះមកដល់ស្រុកស្ទោង ត្រូវបានកម្លាំងសហការគ្នាជាមួយកម្លាំងកងរាជអាវុធហត្ថខេត្ត ស្ទាក់ចាប់បាននៅចំណុចភូមិជីអាប់ ឃុំចំណាក្រោម ស្រុកស្ទោង ខេត្តកំពង់ធំ។ តៃកុងរថយន្តត្រូវបានដាក់មេប្រូចបាត់ស្រមោល
គួរបញ្ជាក់: ផងដែរថានៅប៉ុន្មានខែជាប់ៗគ្នានេះកម្លាំងកងរាជអាវុធហត្ថទូទាំងខេត្តកំពង់ធំ មានការបង្ក្រាបគ្រប់ទីកន្លែងទាំងបទល្មើសឈូសឆាយដីព្រៃខុសច្បាប់ទាំងបទល្មើសដឹកជញ្ជូនផលអនុផលព្រៃឈើ នឹងល្បែងស៊ីសងគ្រប់ប្រភេទ ដោយមានការសម្របសម្រួលពីព្រះរាជអាជ្ញាអមសាលាដំបូងខេត្តកំពង់ធំផងដែរ ។
បន្ទាប់ពីធ្វើការវាស់វែងរួចសមត្ថកិច្ចកងរាជអាវុធហត្ថ បានប្រគល់ឈើ ជូនទៅអោយខាង សមត្ថកិច្ចជំនាញសង្កាត់រដ្ឋបាលព្រៃឈើស្ទោង ។
ចំណែករថយន្ត និងវត្ថុតាងផ្សេងៗសមត្ថកិច្ចកងរាជអាវុធហត្ថ បានកសាងសំណុំរឿងបន្តទៅតាមនីតិវិធីតាមច្បាប់។
