កំពង់ធំ ៖ ក្មេងប្រុសស្រីលង់ទឹកយ៉ាងអាណោចអាធម្មកាលពីវេលាម៉ោង ១០និង៣០ នាទី ថ្ងៃពុធ៦កើត ខែជេស្ឋ ឆ្នាំជូត ទោស័កព.ស២៥៦៤ ត្រូវថ្ងៃទី ២៧ ខែឧសភា ឆ្នាំ ២០២០ នៅភូមិទួលចាន់ ឃុំតាំង ក្រសាំង ស្រុកសន្ទុក ខេត្តកំពង់ធំ។
ករណីទី១= សពក្មេង ១ ឈ្មោះ ឈ្មោះ ម៉ៅ ស្រីម៉ាស់ ភេទស្រី អាយុ១៤ ឆ្នាំ ជនជាតិខ្មែរ។ ២.ឈ្មោះ ម៉ៅ ស្រីកា ភេទស្រី អាយុ១៣ឆ្នាំ ជនជាតិខ្មែរ។
តាមការរៀបរាប់របស់ឪពុក និងម្ដាយរបស់សពបានបញ្ជាក់ថា÷នៅថ្ងៃទី២៧ ខែឧសភា ឆ្នាំ២០២០ វេលាម៉ោង ៩និង៣០ នាទី កូនស្រីខ្ញុំទាំងពីរនាក់បានទៅឃ្វាលគោជាមួយខ្ញុំ ហើយបានដេញគោអោយវាស៊ីស្មៅ នៅម្ដុំបឹងពពេល រហូតដល់ម៉ោង១០និង៣០នាទីក៏ស្រាប់តែឈ្មោះ ណុល នេត បានរត់មកប្រាប់ខ្ញុំថា ពូៗកូនពូឯង មីកា បានលង់ទឹក ខ្ញុំលឺដូចនេះក៏បាននាំឈ្មោះ ចេន ទឹម ភេទប្រុស និងមានមនុស្សជាច្រើនទៀតជិះម៉ូតូទៅដល់កន្លែងកើតហេតុ ហើយខ្ញុំក៏ចុះមុជទឹករាវរកនិងពឹងអោយបងប្អូនជួយចុះទឹករាវរកបានប្រហែល១០នាទីក្រោយមក ក៏ឃើញកូនស្រីខ្ញុំឈ្មោះម៉ៅ ស្រីកា បន្ទាប់មកទើបខ្ញុំរកឃើញឈ្មោះម៉ៅ ស្រីមាស ទោះខំនាំគ្នាធ្វើចលនា រលាក់ចុះឡើងយ៉ាងណាក៏នៅតែមិនដឹងខ្លួន ខ្ញុំក៏អោយគេឌុបម៉ូតូយកទៅមណ្ឌលសុខភាពទាំងពីនាក់ គ្រូពេទ្យបានដាក់ខ្យល់អុកស៊ីសែនទាំងពីរនាក់បានប្រហែល២០នាទី រហូត ដល់១១និង០០នាទី គ្រូពេទ្យបានប្រាប់ខ្ញុំថា គ្មានសង្សឹមទេ ផុតអស់ ហើយ បន្ទាប់មកខ្ញុំក៏ដឹកសពកូនស្រីទាំងពីរនាក់តាមរថយន្តពេទ្យមណ្ឌលសុខភាពតាំង ក្រសាំងមកផ្ឋះវិញដើម្បីយកទៅធ្វើបុណ្យតាមប្រពៃណី ។
ករណីទី២ =ក្មេងប្រុសឈ្មោះ យ៉ង់ ឆានុន ភេទប្រុស អាយុ៦ឆ្នាំ លង់ទឹកស្លាប់កាលពីវេលាម៉ោង១០:០០នាទីស្ថិតនៅភូមិក្បាលដំរី ឃុំទំរីង ស្រុកសណ្តាន់។ មូលហេតុ:ក្មេងរងគ្រោះចុះមុជទឹកស្រះក្រោយផ្ទះពេលឪពុកម្តាយមិននៅ។
ករណីទាំង២លើក មនុស្សស្លាប់ដោយសារលង់ទឹក ៣នាក់ សពត្រូវបានឪពុកម្ដាយចាត់ចែងធ្វើបុណ្យតាមប្រពៃណី ។
ប៊ុន រិទ្ធី
